.................................
فی ذکری اربعین الامام الحسین علیه السلام
.................................
باربعینک اجینه بأربعینک
گاصدینک نزورک باربعینک
.................................
جینه نشکیلک هضمنه والیسر یبن النبی
عگب ذبحک یسرونه وفرضو اعلینه السبی
حرگواخیمنه یخویه ومارحمنه الاجنبی
چتتفونه وسلبونه وخذو من عدنه العبی
چفهم الخدی سطر
اسیاطهم شبه المطر
.................................
خویه مررونه عله جسمک ونته مسلوب وذبیح
غدت للنسوان صرخه وگامت اطفالک تصیح
للنهرجابونه تالی وشفنه ابوفاضل طریح
ضل علی السجاد ینحب والگلب منه جریح
صاح یاراعی العلم
یسروعمی الحرم
.................................
غصبن اعلینه نودعک ساریحسین الدلیل
اطفال مچتوفه وحرمکم گییدوحتی العلیل
ایصیح واذلاه بویه ماتشوف ابنک ذلیل
امن المرض مشلول حاله ویسمع اصیاح وعویل
وعممته الی مخدره
تروح تالی امیسره
.................................
حین للکوفه دخلنه عیدذاک الیوم صار
طلعت الکوفه بهلهه للفرح وکت النهار
کلهه تتفرج علینه وتشتمت عل جره وصار
مارعوحگ الابونه ولارعو حگ الجوار
الکل تشاهدنه وتشوف
وتدگ بطبول الدفوف
.................................
خویه ریت الموت اخذنی ولا لبن مرجانه اجی
سبنی وسبک یخویه وگال یخت الخارجی
احسین والعباس وینه مااشوف الهم بجی
الخالف ایزیدالخلیفه واللی یترک منهجی
لورسول الله یصیر
الموت بس هوه المصیر
.................................
النوب صوب الشام تالی شال حادیهه وسره
راسک اگبالی اشوفه وراس سبع الگنطره
حده الحادی ونارگلبی من الشماته اموجره
من وصلنه الشام چانت للفرح متحضره
دگت اطبول الفرح
صارعیدالهه ومرح
.................................
من دخلنه الشام شفنه صارلهل الشام عید ادفوف دگوفرح علنو تسمع اهناک النشید
الناس تتفرج علینه حتی وصلونه الیزید
امچتفه ایدینه ورزیه احوالنه شبه العبید
الشامت ایهلهل غده
والفرح توه ابتده
.................................
هلهل الشامت ابچتلک عیدت کلهه العده
وسب ابونه ایزیدخویه وحتی سب الوالده
وبلطشت جدامه راسک لجل گلبه ایبررده
یضرب ابعصاته ثغرک لچن چبدی مررده
مبتسم جالس یزید
یهتف ابثارالولید
.................................
عگب ذاک الیسرجینه وبعد ما طفنه البلاد
الیوم یم گبرک حضرنه نعلن اعلیک الحداد
الروس جبناهامعانه حتی تلحگ بل اجساد
جابرالانصاری هاذه عندک وزین العباد
انجدداویاک العهد
ابدربک انضل للابد
.................................
اوداعة الله یاشفیه اعلیک من عندی السلام
الرادینشدنی شگله وینهه ابدور التمام
اشلون دشتنه المدینه ابلا اهل وبلاعمام
ابیوتکم وحشه وخلیه وخیم اعلیهه الظلام
یثرب الفگدک تحن
بعدک ایطول الحزن
.................................
هادی رزیج النعیماوی
المحمره..محرم 1436ه ق
.................................