**ردادیه فی مولد صاحب الزمان (عج)**
ابسامره فرح واعلام منشوره
ابسامره فرح واعلام منشوره
مهدینه انولدعلکون شع نوره
ابسامره......
ابدارالعسکری الیوم
انولدیاناس جیدوم
یملی الکون کله عدل بظهوره
ابسامره فرح........
(یتباهابظهوره العالم)
حگ العسکری نبعث تهانینه
ابسامره.....
ونبارک النرجس عیدمهدینه
ابسامره......
اسمه اسم جده
زودحسین عنده
یشبه للنبی بالصوت والصوره
ابسامره.......
(اباوصافه یشبه للهادی)
اهل البیت کلهه الیوم فرحانه
ابسامره.........
وفرحان النبی والدالریحانه
ابسامره......
حتی الجنه والحور
امعیده البدرالبدور
دین الباری بسمه یرتفع سوره
ابسامره
(ایعلیهه رایات الدین)
موعودالشفیه الوعد من طاها
ابسامره فرح.......
یمحی الجوربیده وبسمه نتباها
ابسامره فرح......
یرفع بیرق الدین
یاخذثارالحسین
وثارارجال ضلت طبگ منحوره
ابسامره فرح.....
(اببتاره یتعنه الطف)
نص شعبان عیدوفرح للشیعه
ابسامره.....
مولانه الشفیه وواجب انطیعه
ابسامره.....
نعدلظهوره الایام
یجی ویعزالاسلام
ونشوف اهل الضلاله بسیفه مدحوره
ابسامره.......
(یفنیهه بالسیف اهل الشر)
ننتظرک یبوصالح یوالینه
ابسامره فرح.....
ترفع علم عباس وتجی لینه
ابسامره.....
تجی وبسیفک تحش
وهابی ودواعش
منعوگبرجدک محدیزوره
ابسامره فرح واعلام منشوره
(بسک غیبه یامهدی انهض)
هادی رزیج عساکره (نعیماوی)
*ردادیه فی اعیادشعبان*
فرحنه والیحبنه یفرح ویانه
فرحنه والیحبنه یفرح ویانه
ابعیدابن الوصی وفاطمه الریحانه
فرحنه والیحبنه یفرح ویانه
یاشعبان اﻻعیاد
بیک منوره البلاد
شهرشعبان بسم حسین عنوانه
فرحنه والیحبنه یفرح ویانه
(یسمونه شعبان حسین)
میلادالشفیه حسین فرحوله
فرحنه و......
والزینه عله الحیطان نصبوله
فرحنه و.....
ابفرح حیدروطاها
والزهرااتباها
تبریک المحمدوده مولانه
فرحنه والیحبنه........
(بارینه للهادی یبارک)
مبروک الگمرهلیله میلاده
فرحنه و......
تبریکات للکراروالساده
فرحنه.......
اشوف الکون نوور
هله بعباس الازهر
مثل نورالبدرمن یشع بسمانه
فرحنه........
(ضاویهه عباس بنورک)
زین العابدین الیوم شع نوره
فرحنه و........
ابمیلاده قدت تزهی المعموره
علی یاقرة العین
هله یاشبل الحسین
یبوالباقریاسورالدین وارکانه
فرحنه و...........
(یاسورالدین وبنیانه)
علی اﻻکبرشباب البیه نتباها
فرحنه.....
صوره وصوت یشبه للنبی طاها
فرحنه......
ابمیلاده فرحنه
صوب الحفل رحنه
چن حسین بل محفل تلگانه
فرحنه و....
(اتلگانه ویحیی اضیوفا)
الهی الی حضر بلحفل هلیله
فرحنه و....
تحفظه وتستراعلیه هوه والعیله
فرحنه و.....
وتطول عمرهم
وتسهل امرهم
کلمن یحب حیدریرتفع شانه
فرحنه و....
(بکل دیره مرفوع الهامه)
**
هادی رزیج عساکره نعیماوی
.................................
فی شجاعة بنی هاشم یوم عاشوراء
.................................
بنی هاشم تنخت بنی هاشم
بلصوارم تعنت بلصوارم
.................................
طبت الیوث الحریبه وغدت یوله بکربله
اظلمت الحومه وتشوف اسیوف تلمع بلفله
تروط ضلت من تحتهم چن لفتهه زلزله
یاعلی الکرارصوت اصیاحهم بلطف عله
الخیل غاصت بلدمه
چن مطرمن السمه
................................
یوم عاشرمن محرم صار عج الهه وغبار
غدت ظلماوماتوچدلیلهه من النهار
غیمت وسهام تمطرمن دماها سیل صار
اتلول صارت من جثثهه وسدت ادروب الفرار
صاح شیال اللوا
وکبرت هاشم سوا
.................................
طب ابوفاضل حربهاوگلب یسره ومیمنه
الجدم سیفه یشیل راسه الشردرمحه یطعنه
لن تلگاهم الاکبروسط الحومه اعتنه
هاذه ابوالحسنین گالو علی الاکبرگال انه
صاحت اجیوش الکفر
وین من سیفه المفر
.................................
احسین واگف والمعاره من جریب یشوفها
اشلون ابوفاضل الهزبرغاص بین اصفوفها
لکبروجسام تبرج عله الروس اسیوفها
آل هاشم سیل عارم حدر عله طفوفها
صاح کفوین بهلی
هله بجسام وعلی
..............................
احسین سل سیفه وتعنه بیوم زینب هلهلت
زلزله من السمه السابع فوگ عسکرهه انزلت
خطم اعلیهه بجواده ومنه ماشاردفلت
صاح یجیوش الخیانه بیکم الضربه حلت
صال شبه القسوره
حسین ضنوة حیدره
.................................داروبجیش اﻻعادی شبه خاتم للصبع
حسین عزرائیل بیده وصارمه بیه الصرع
علی اﻻکبرگام یحصد بلزلم شبه الزرع
جاسم المدرع یلحگه یشیل روحه ویه الدرع
الگمربیمینه اللوا
سیفه بلدم ارتوا
.................................
هادی رزیج النعیماوی
المحمره
.................................
.................................
فی واقعة الطف
.................................زینب عله التل اتصیح وین اوگعت یاجیدوم
اشوف اظلمت الدنیاوصار اصیاح بین الگوم
........ .....................
اشوف اظلمت الدنیاوصار انهارها چالیل
والکون انگلب صوبین بس تسمع صهیل الخیل
هل منظریبوالسجاد راوانی الکدروالویل
جاوبنی یمای العین
وینک یاکتریحسین
اخافن فتک بینه البین
ماتنهض یبوالسجاد من فوگ الثره وتگوم......... .......
ماتنهض یبوالسجادروحی ذابت وراحت
طاح البیت فوگ الراس لمن رایتک طاحت
اسهام الاحتک یاخوی ریت ابناظری لاحت
ولاشوفک عله الغبره
وبجسمک الف طبره
خویه الگلب شیصبره
ماندری یخویه شصار والعسکرعلیک یحوم
................................
ماندری یخویه شصارونته بیاکترطایح
وصلت خیلهم حدنه وسمع بلخیم صایح
یاتالی الاهل یحسین وین من الاهل رایح
بس انته یهل منعوت..بگیت ترد علینه الصوت...کل گومی دهاهاالموت
الگمرفوگ الشریعه طاح وراسه بلعمدمجسوم
.................................
طاح الگمرفوگ الگاع ویلی وطاحن اچفوفه
یمه الجودوالرایه وعینه بسهم مطروفه
یصدللخیم جفنه چان من بعید ویشوفه
شابح للخیم عینه..والجوده وگع وینه..یگول الوعدیسکینه
جبت المای لاچن آه صاب الجود سهم الشوم
.................................
سهم الشوم صاب الجود شحچیلک یبوالیمه
الاکبرمنجسم راسه وجاسم سابح بدمه
وعبدالله الرضیع الچان ریحانه ووکت شمه
یبچی وغارن عیونه..ردنه الگوم یسگونه..ماقبلویرحمونه
لنه حرمله صاباوگص نحره بسهم مسموم
.................................
خویه حسین شنهوالصار جاوب یابعدعینی
مهرک طب للمخیم بلاخیال لافینی
یصهل والسرج مگلوب صحت بصوت حاچینی
علی السجادیاعمه..اجانه المهروبهمه
جاوب وین ابوالیمه
اشوف المهرردخالی اشعنده من المعاره اعلوم
.................................
مهرحسین جانه یصیح ویدگ بحافره ویبچی
یصهل یم المخیم وبلسان الدمع یحچی
چنه یخاطب السجادگوم الوالدک تچی
وگع والسهم بفاده..یاجدی بهظم ناده
تراب الگاع اله وساده
من العطش ضل یلوج وجروحه تسیل ادموم
.................................گال الهه علی السجاد یا عمه ابونه راح
الهظیمه والظلیمه بصوت مهره بلمخیم صاح
صارت بلخیم یوله من سمعن عمدهن طاح
های تصیح یاخویه..وذیچ تگول یابویه..اطفال وحرم دویه
فرت من المخیم تصیح حسین یامظلوم
.................................
هادی رزیج النعیماوی
................المحمره........
نوحیه خاصه الی مشایة اﻻربعین الحسینی
........ ........................
یحسین یابن علی.یابعدعمری وهلی
الخدمتک جینه الیوم مشایه
انته وعضیدک حامل الرایه
یحسین یابن علی....
................... ............
جیناک مشایه ودربنه ابعید
صیام ونته اهلال یوم العید
یلی اسکنت بلگلب
ننخاک طول الدرب
یحسین یابن علی
.................................
من الاهواز(الفلاحیه)ومن المحمره
جیناک یابورایة الحمرا
نخوانه یابوالحمه..بلگلب حبک نمه
یحسین یابن علی
.................................انته السفینه ومنجی الشیعه
دونک عمرنه سیدی نبیعه
نفداک یاسیدی:نورانته بی نهتدی
یحسین یابن علی
.................................
مصباح یلبیک الدجی زالت
بدماک ارض اطفوفهانالت
نالت العزوالفخر..والهیبه طول الدهر
یحسین یابن علی
............. ...................
انته الی گال المصطفی عنک
یحسین منی انته وانامنک
صاحب کرامه وأبی..تشبه الطاهاالنبی
یحسین یابن علی
.................................
فوگ المعالی سیدی صیتک
نبراس تبگاوکل اهل بیتک
انتم اعلام الهدی..بیکم الباری ابتده
یحسین یابن علی
.................................
یحسین جینه الیوم زوارک
لرض الطفوف وکلنه خطارک
منک یراعی الوفه..نطلب الحاجه وشفه
یحسین یابن علی
.................................
بسم الوفی العباس نادینه
بحماک یوم الحشرتحمینه
یابولواالمنتشر..بحماک یوم الحشر
یحسین یابن علی
..............................
عباس حدالموت منعوفک
نقسم علیک بگطعة اچفوفک
یارحمه من العلی
تقضی الحوائح الی
یحسین یابن علی
................. ...............
هادی رزیج النعیماوی
المحمره
................................
................................
نوحیه فی واقعة کربلا
.................................
جینه الکربله بعزوکرامه
ردینه الوحدنه بس یتامه
یثرب یاوطنه.راحوکل اهلنه
ماتنفع بعددمعه ولیامه
.................................
گصدنه الکربله من المدینه
بکل هیبه وحده الحدای بینه
عباس البطل حامی الضعینه
بنی هاشم عن یساره ویمینه
الاکبرویه جسام.بیهم تزهی الایام
وحنه ویاهم بخیروسلامه
ردینه الوحدنه بس یتامه
.................................
حده العباس والوادم تشوفا
لازم ناگة الحره بچفوفا
یبره الضعن مالازم یعوفا
بسلامه لازم یوصله الکوفه
الگمرحالف اببخته.ابخیرایوصل اخته
شمرساعده وذب العمامه
ردینه الوحدنه بس یتامه
.................................
لمن گربت اضعون الهواشم
من کوفانهاجت العلایم
مسلم عله الغبره صارنایم
الکوفه بیک خانت یبن فاطم
طاحت بولیة انذال یجرونه بلحبال
غریب ومحدمن اهله وعمامه
ردینه الوحدنه بس یتامه
............ .............
آمرللمدینه یردضعنهم
لن جیش الریاحی گرب منهم
منع رجعتهم الیثرب وطنهم
ابوادی کربله حطورحلهم
ارض غفره بلامای .گلهم لیش یعدای
گالوامروالینه وکلامه
ردینه الوحدنه بس یتامه
.................................
من سمعونزل بلغاضریه
اجت کوفانهه لبن الزچیه
مگصدهم ذبح راعی الحمیه
اهوه ویه اهل بیته سویه
اتکامل جیش الانذال
سبعین الف خیال
الکل رایدچتل ذوله النشامه
ردینه الوحدنه بس یتامه
.................................
ابعاشرمن محرم صارت صفوف
هجموعله حسین وزینب تشوف
من عباس گطعویوزالچفوف
بحگ حسین ماراعوالمعروف
اسیوف ارماح وسهام
حرگوویلی الخیام
وعطشان انذبح راعی الشهامه
ردینه الوحدنه بس یتامه
................................
انذبح عطشان ابوالیمه وعضیده
وجسام الشباب وعلی اولیده
وبنبله الطفل گطعووریده
اشحال حسین حین الجابه بیده
اتلگته النساوین.سگیته مای یحسین
شافنه یرفرف کل حمامه
ردینه الوحدنه بس یتامه
.................................
من بعدالکتل حرگوهاالخیام
وسلبویویلی اطفال ویتام
یسروهاالحرم للکوفه والشام
وضل حسین عاری ثلث تیام
جسمه مسلبینه..راسه شایلینه..عله راس الرمح نسمع کلامه
ردینه الوحدنه بس یتامه
.................................
هادی رزیج النعیماوی
المحمره
.................................
الیوم مات المختارسیدالبریه
الیوم ضلت بحزان زهرا الزچیه
مات النبی ویثرب صفت حزنانه
وانفجعت ابفگده تره الریحانه
اظلمت عله اهل المصطفی دنیانه
فاگدالدین الیوم سیدارکانه
ابفگدالنبی صارینوح حیدر وصیه
الیوم مات المختارسیدالبریه
هلیوم تصرخ فاطمه وتنادی
واضیعتابعدک یطاهاالهادی
ابنوح وعزیه المرتضی واولادی
چانون فگدک یستعربفادی
ماتنطفی بلدلال نارک سریه
هلیوم مات المختارسید البریه
هاذه الحسن یمک تصب ادموعه
وحسین حزنان وتحن اضلوعه
وزینب یبوالزهرا علیک ابلوعه
والیوم بتک فاطمه مفجوعه
تبچیلک ابدم العین صبح ومسیه
هلیوم مات المختار سید البریه
بعده النبی مامات خانت گومه
نکرو وصیت حیدرالمعلومه
ومارعوحگ الطاهره المظلومه
غصبوفدکهه زمرة المیشومه
هجموعله باب الدارکلهم سویه
هلیوم مات المختارسیدالبریه
من وصلوالداربحطب حرگوها
ومن لاذت الزهرا بغضب عصروها
المحسن سقط وضلوعهه کسروهه
یاشیعه خلف الباب من حصروها
چنهم نسوطاها اشگال حین الوصیه
هلیوم مات المختارسیدالبریه
صارالعدویصول ویجول بکیفه
چن یطلب ابثارواخذکل حیفه
گادوعلی وسفه ابحمایل سیفه
یصعب یبوالزهرا الامر توصیفه
ماضلت ابهای الناس غیره وحمیه
هلیوم مات المختارسیدالبریه
هلیوم کل شیعة علی بنیاحه
من حیث دین الله فگد مصباحه
والحسن من الالم عاف الراحه
چبده انمردبل سم یویلی وتاحه
شاف المرارالمسموم ویه الاذیه
هلیوم مات المختارسید البریه
هادی رزیج النعیماوی
المحمره27/صفر1436
هجری قمری
..نوحیه سریعه تقراء بعد مصرع اﻷمام الحسین علیه السلام وجوابهایکون
....یاحسین...........
.................................
مذبوح نحرک...یاحسین
مهشوم صدرک..یاحسین
مچتول ضامی:یاحسین
والجسم دامی..یاحسین
سابح ابدمک..یاحسین
سللبوجسمک..یاسین
گطعوانفاسک..یاحسین
علرمح راسک..یاحسین
الله اکبر..یاحسین
جبریل کببر..یاحسین
ناده المنادی..یاحسین
قتلوالهادی..یاحسین
قتلوعلینه..یاحسین
بکتلة ولینه..یاحسین
قتلوالزهرا..یاحسین
ذبحوالعتره..یاحسین
للحسن قتلو..یاحسین
لحسین ذبحو..یاحسین
حزووریدک..یاحسین
قتلوعضیدک..یاحسین
العباس وینه..یاحسین
مرمی ابعینه..یاحسین
فوگ الشریعه..یاحسین
اچفوفه گطیعه..یاحسین
گطعوازنوده..یاحسین
مززگوجوده..یاحسین
شابح ابعینه..یاحسین
ینظراسکینه..یاحسین
جبریل کبر..یاحسین
ذبحوالاکبر..یاحسین
وزعوجسمه..یاحسین
سابح ابدمه..یاحسین
جاسم الهزبر..یاحسین
علثره امطبر..یاحسین
ذاک المچنه..یاحسین
ابدمه امحنه..یاحسین
سابح ابدمه..یاحسین
وینادی عمه..یاحسین
الطفل بعده..یاحسین
مارووه چبده..یاحسین
من لمع جیده..یاحسین
گطعووریده..یاحسین
ضل شابح العین..یاحسین
ینظرللحسین..یاحسین
بویه اذبحونی..یاحسین
لاماسگونی..یاحسین
یسروحرمکم..یاحسین
حرگوخیمکم..یاحسین
ذبحوزلمکم..یاحسین
نهبوخدرکم..یاحسین
مچتوفه الایتام..یاحسین
للکوفه والشام..یاحسین
السجادکبر..یاحسین
الله اکبر..یاحسین
امچتفینه..یاحسین
بس تهل عینه..یاحسین
الطوگ برگبته..یاحسین
دمعه یکتته..یاحسین
زینب تنادی..یاحسین
زین العبادی..یاحسین
الظالم شتمنه..یاحسین
خویه وهظمنه..یاحسین
وحشه المدینه...یاحسین
ظلماعلینه..یاحسین
یاخویه ضعنه..یاحسین
بلهم وضعنه..یاحسین
حزنت الشیعه..یاحسین
الراعی الشریعه..یاحسین
یاحسین
.............................
هادی رزیج النعیماوی (عساکره)المحمره..........
..................................
علی یامولانه...علی یامولا
وکت الشددملفانه......
انته نوراعیونی..والخلگ لامونی
وانته راعی الوانه
(والمایقبل های الطوفا)
علی ناصرطاها..علی یامولا
الکعبه بی تتباها........
مولاغیره مالی..هوه بس الوالی
وهوه بس نخوانه
(بس حیدرمانقبل غیره)
الکعبه جابت حیدر..علی یامولا
ابنوره صارت تزهر.......
الله رتبه انطاها..ابحیدره تتباها
صبحت سلطانه.....
(شرفهاالکعبه وعلاها)
الجنه نصبت زینه..علی یامولا
ابمولدک والینه.........
والملایک عدهه عید..غنت اباجمل نشید
هله ابنوراسمانه
(ضاویهه یهلال بنورک)
هتف صوت الشیعه..علی یامولا
کل عمرنه انبیعه...........
ونشتری حب الولی..کلنه نهتف یاعلی
انته سوراحمانه........
(حامینه حیدربل محشر)
.................................
هادی رزیج نعیماوی عساکره
.................................
ردادیه
فی مولد الامام علی علیه السلام
........... .. .................
حیدرنه انولدوالکل یحیونه(2مرات)
مبروک الولاده اعله الیحبونه
حیدرنه انولد والکل یحیونه
بزغ نوره اعله الاکوان
مثل نورالبدربان
فرحان ابوالزهراوقرة اعیونه
حیدرنه انولد والکل یحیونه
(ابمیلاده فرحان الهادی)
.................................
اتعنت بت اسدللبیت وبهمه
حیدرنه انولد.......
ابنص البیت جابت هاذه ابوالیمه
حیدرنه انولد.......
غمرتهه السعاده...هله بهای الولاده
یاهای الولاده اشکثرمیمونه
حیدرنه انولد والکل یحیونه
(وحیاهابارکهاالباری)
.................................
انشگ الهه الجداروطبت الحره
حیدرنه انولد........
بلکعبه الشریفه جابت الدره
حیدرنه انولد........
جابت حیدراهناک...گالتله علی ویاک
الملایک حاضره وحیدر یخدمونه
حیدرنه انولدوالکل یحیونه
(یخدمونه مولودالکعبه)
.................................
ثلث ایام فاطم ربهایرعاها
حیدرنه انولد.......
طلعت والفرح بان بوجه طاها
حیدرنه انولد.........
صاح اهلایبوحسین...هله یاقرة العین
هله بلیث الوغى وامدرس افنونه
حیدرنه انولدوالکل یحیونه
(ابغزواته یاناصرطاها)
.................................
الشهاده گالهاوالوادم تشوفه
حیدرنه انولد.....
اشرعلنبی المختاربچفوفه
حیدرنه انولد.......
خاتم للرساله...یجیکم بلعداله
وآنه الی وزیره وبلشدد عونه
حیدرنه انولدوالکل یحیونه
(موسی وهارون آنه وطاها)
.................................
الیوم المصطفی امعید ابوالینه
حیدرنه انولد.......
وحتی الحورنصبو بلعرش زینه
حیدرنه انولد.......
علی والی الیتامه
ابوالعزوالشهامه
بلشدات یحضرللیندبونه
حیدرنه انولدوالکل یحیونه
(ویگضیهه یحضرکل شده)
............ ....................
هادی رزیج نعیماوی عساکره