آیالیلی
های اول اغنیه غنیتهه ومهدوم حیلی
آیالیلی
لیل المفارگ طویل
والصبح مبعدعلیه ومایجیلی
چن قطار ابلیل ممطربلامحطه وسیل هجرک جرف ریلی
هیچی حالی الدنیا ظلما حیل ومضیع دلیلی
صافن ودمعاتی تحچی ودافی بآهاتی وتهیلی
وآاااااه یاضحکة الشامت مثل چیلة برنواتنیشن دلیلی
دوریتک لاکن ابدا مالگیتک وارجعت بس مو البیتی
للمحطه اهناک لمن ضیعیتک
یلی چن ماهزتک صرخت سکوتی
اهناااااک شفتک تبتسم ثاری الشماته جایبیلک خبر موتی
ومن صحتلک مارضیت اترد جوابی
ملتهی اتوزع ضحک من الشماته عل یمرون ابثوابی
وملح رشیت اعله جرحی ابدال کل بسمة شماته اتوزعت غادابسبیلی
آاااایا لیلی
آااایالیلی
هادی رزیج النعیماوی (عساکره)
قصیده بحق الشهید السعیدعلی منیعات
علی لبه النداء وراح للجبهات
لجل الدین لاموعن طمع حاشه
تعرفاالناس بخلاق ووجه بشاش
وبین الناس بلطیب العمرعاشه
مشه بدرب العقیده وضحامثل احسین
ماسالم الذل ونام بفراشه
سمع جاره ابهظم واعیاله تطلب عون
صارت غیرته علجارجیاشه
عله الساترشفت من واجه العدوان
اسدوهام شاهدناعله الشاشه
صفگله المسلسل والفشگ حیاه
وباست یمنته ویسرا الرشاشه
ایدالعلم بیهه ورایة العباس
و ایدالثانیه تلعب عله الماشه
علی طبعاالشجاعه مایهاب الموت
ولوصدره انگلب بلفشگ خرخاشه
بچه الداعشی انشدصلاح الدین
کسرروسهم خلاها تتلاشه
علی کض ابعلی ولازم چفوف حسین
تعله فوگ چف الرجس ماحاشه
علی مرفوع راسه وصار فوگ الغیم
مدایده عله نجم السماوناشه
وروحاالطاهره صعدت الرب الکون
راحت مطمئنه بصوره بشاشه
بس اگلوبنه الفرگاه تلهب نار
ونضل الشوفته صبح ومسا اعطاشه
حزنت دیرته المحمره ویه الکوت
غاطیهه السوادولبست اقماشه
هادی رزیج النعیماوی
واقعة الطف وشجاعة بنی هاشم
.................................
هاشم ونعمین زودارجالها
شرداوصف بلطفوف افعالها
.................................
شرداوصف افعالهابوادی الطفوف
حین صفت للحرب ذیچ الصفوف
کل فردهاشم یعادل عن ألوف
شبه لیث ومایهاب اهوالها
.................................
الیوث کلهه وبیهه ابوفاضل جدم
گال دون حسین یاروحی عدم
صاح والعسکرمن الصیحه انصدم
ابصیحته ارواح العساچر شالها..........................
شالهاوالموت طب للمعرکه
غدت ضجه للسیوف وصکصکه
الفرسلم من الحتف والمهلکه الگرب موته بسیف فخر اشبالها.........................
اشبالهاوبیهم علی الاکبرمرد شهرسیفه وگام یطردهم طرد
صارمه برگابهم یبردبرد
والتفریصیدهابعسالها
.................................
یطعن برمحه ونثرهاعله الارض
ومرهفه صلی بجماجمهه فرض
غاص بلوسطی وخرج من العرض
کفوبطاعون الزلم وسلالها
.................................
علی الاکبرهاذطاعون الزلم
لن نزل جسام للحومه بعزم
الخیل طشرهاوغده بیهه یلم
والتفریوگع چتل خیالها
.................................
یوگع وتتعثربجثته وتطیح
والزلم مابین مچتول وجریح
أبدمابالی بعساچرهه یصیح
الکوفه لوگدهه بعدواعدالها
.................................
بعدگدهه وماابالی بل عدد
الیوم اخلی جموعهابسیفی بدد
برزلیهه حسین والعسکرشهد گال ملک الموت للطف یالها
.................................
گال ملک الموت بلطف وحضر
شکل ضرباته شبه فارس مضر
صاعقه سیفه وحرگ حتی الخضر
اظلمت الحومه ورهیبه احوالها
....... .............. ........
اظلمت الحومه وزلمهه مدلهمه
رجزفوگ الگوم طاح من السمه
ماتشوف الدرب چن طگهه العمه
وین مافرت لگت چتالها
................. ........... .
وین مافرت یلاگیهه بزعل
یخطف ارواح الزلم شبه الأجل
اشسوه بلطف عمل بیهم ما عمل
یگلب الیمنه غده عله اشمالها
.................................
گام یگلبهه الشمال اعله الیمین
ابغضب یحصدروسهه لیث العرین
صاح لاوین المفروآنه الحسین
الیوم اراویکم فعل سردالها
.................................
الیوم اراویکم فعل ضنوة علی
لاکن الباری العباده یبتلی
حیف المگدرگصه بیه وهلی
چان اصفی الکوفه من ارجالها
.................................
هادی رزیج النعیماوی
المحمره
.................................
.................................
فی احوال العقیله
................................
ضعن احسین حین السار بلیل وحده الحادی
لن صوت العلیله تصیح خلف الضعن وتنادی................
تنادی بصوت بویه حسین گلی وین منواکم
الوحدی اشلون اضل بلدار بویه اخذونی اویاکم
علیله وماالی والی ویصعب علی فرگاکم
بعدکم یاهلی الطیبین وحشه تصبح بلادی
.................................
تصبح دورکم وحشه وفرگاکم یهدحیلی
بعدکم لیل ویه نهار اصیحن آه یاویلی
خلی الطفل عبدالله یسکن وحشتی بلیلی
احلفنک بضلع امک یبویه وجدک الهادی
.................................
یگللهه العمیدحسین لوطبینه للکوفه
اودی اخوتچ یبنیتی وتجین ابفخرمحفوفه
ودعهاوضعنهم ساروهیه واگفا تشوفه
صاحت لاهنه شربی عگبکم لاحله زادی....................
طب لرض العراگ حسین والعسکرتعناله
کل مارادللکوفه تمنعه صفوف خیاله
جابوهم لرض غفره وهوه حالته حاله
عله مسلم درا بلصار بلکوفه شنوالسادی...................
عله مسلم درا بل صار بمسلم غدرت الکوفه
تحسروالدموع تسیل وزینب واگفا تشوفه
گالتله یخویه شصارگلبی وگف من خوفه
نخلص چتل گلهه اهنا اخوتی وآنه واولادی........ ........
گلتله یمای العین ردنه للمدینه اردود
گاللهه بعدهیهات یاخیتی وعد موعود
لابدهم تشوفینی ذبیح اعله الثره ممدود
راسی یروح لرض الشام ویبقاالجسد بلوادی
.................................
ابوادی کربله الاجساد وتمشی الروس لرض الشام
راسی وراس ابوفاضل والاکبروالبطل جسام
چنی حایره اشوفچ بطفال وحرم ویتام
وجدامچ یصیب ایزیدشفتی ویشتم اعوادی........... . ابعینچ تنظرین اشلون عله اشفافی عصاة ایزید
ینصب زینه کل امکان وبرض الشام یعلن عید
اتحللی بلصبریختی الصبر عندالمصیبه یفید
وگومی بلقیامه یکون خصمهم جدچ الهادی
.................................
هادی رزیج النعیماوی
.........المحمره.......
الی ابی الظیم الحسین علیه السلام
.................................
احسین یاثارالله یاجرح الزمان
یانبع دوحة الهادی الصافی
یاعزیزالباری یلبیک النجاة
یاسفینه الماتحدهه اوصافی
انته نورالله الضوت بیک اﻻکوان
ونته مصباح الهدى الماطافی
یل ضریحک کعبة املاک السماء
صارواضح للخلگ موخافی
یلی عشاگک ملایین وتطوف
گبرک الیشفی الالم ویعافی
یل تحت گبتک دعانه یستجاب
اتراب گبرک للسقیم ایشافی
آنه اتانی الاربعینک یاحسین
شوگی گدالکون لا موکافی
جیتک اشکیلک من اهموم الفراگ
چن جبل یحسین فوگ اچتافی
جیتلک ویه الملایین التزور
وکلمة ال لبیک فوگ اشفافی
جیتلک مشای حدارض الطفوف
الطم اعله الراس جیتک حافی
الطم اعله الراس جیتک حافی
هادی رزیج النعیماوی
، ماشىبسواگ المدینه
جای اتسوگ فرح و
الفرح وینه
تبیع هم الناس بس وکل سوالفهه حزینه
بحجة الماعنده رخصه هاذه بیته هادمینه
وذاک ماخذ قرض ﻻکن موامسدد
رجع شاف اقراضه بلشارع وبیته امصادرینه
هاذه مودافع فواتیرالمیاه ولا اجورالکهرباء
وذاک مودافع الغازولاالهاتف
وکلشی المادفع حقه صبح عنه گاطعینه
الناس من کثرت مصایبهه سکاری اگلوبها تلتهب جمره
الفرح شایل لیله ظلماخاف ینشاف ویردونه اذایرحل بگمره
المای جف من السواجی والمزارع بعدماتعطف عله الفلاح وتقدمله ثمره
النخل من گدالغباراتگول ام امشیعه ابنهه هیچی حاله وحال تمره
الناس تنظر کلهه صوبی اشماله هاذه
امخبل
ایدورفرح بارض المحمره
ماکوعمی لاتدور
چان گبلک شاب یبحث علسعاده
مالگاهاوصبح آیس دمعته بلعین حمره
العوزضکه وخجل من اطفاله یرجع خالی الهم
بسط بسوگ المئاسی حرگ روحاوباع کل سنین عمره
هادی عساکره النعیماوی
**ردادیه فی مولد صاحب الزمان (عج)**
ابسامره فرح واعلام منشوره
ابسامره فرح واعلام منشوره
مهدینه انولدعلکون شع نوره
ابسامره......
ابدارالعسکری الیوم
انولدیاناس جیدوم
یملی الکون کله عدل بظهوره
ابسامره فرح........
(یتباهابظهوره العالم)
حگ العسکری نبعث تهانینه
ابسامره.....
ونبارک النرجس عیدمهدینه
ابسامره......
اسمه اسم جده
زودحسین عنده
یشبه للنبی بالصوت والصوره
ابسامره.......
(اباوصافه یشبه للهادی)
اهل البیت کلهه الیوم فرحانه
ابسامره.........
وفرحان النبی والدالریحانه
ابسامره......
حتی الجنه والحور
امعیده البدرالبدور
دین الباری بسمه یرتفع سوره
ابسامره
(ایعلیهه رایات الدین)
موعودالشفیه الوعد من طاها
ابسامره فرح.......
یمحی الجوربیده وبسمه نتباها
ابسامره فرح......
یرفع بیرق الدین
یاخذثارالحسین
وثارارجال ضلت طبگ منحوره
ابسامره فرح.....
(اببتاره یتعنه الطف)
نص شعبان عیدوفرح للشیعه
ابسامره.....
مولانه الشفیه وواجب انطیعه
ابسامره.....
نعدلظهوره الایام
یجی ویعزالاسلام
ونشوف اهل الضلاله بسیفه مدحوره
ابسامره.......
(یفنیهه بالسیف اهل الشر)
ننتظرک یبوصالح یوالینه
ابسامره فرح.....
ترفع علم عباس وتجی لینه
ابسامره.....
تجی وبسیفک تحش
وهابی ودواعش
منعوگبرجدک محدیزوره
ابسامره فرح واعلام منشوره
(بسک غیبه یامهدی انهض)
هادی رزیج عساکره (نعیماوی)
فی مولدالحجه(عج)
نص شعبان یاملیون حیاک
بیک انولدوالینه الشفیه
ابن العسکری ونرجس الخاتون
ذخرطاها النبی سید البریه
تهانی للنبی وحیدرالکرار
وتهانی الفاطمه الزهرا الزچیه
ابسامره انولدهلیله ضرغام
بظهوره عدل یملیهه الوطیه
الیوم بمولده شع بلسمه النور
ودنیانه قدت جنه وزهیه
هله بشایل لواالعباس بلکون
وبیده سیف حمای الحمیه
هله بموعودطاها الیمحی الجور
ویحیی الدین بامرالله ونبیه
یگصدکربلامن مکه ویروح
یزورحسین ابوالیمه الشفیه
ویاخذثارجده وثارسبعین
دمهم سال برض الغاضریه
ابسیفه الشعشعانی یخطف ارواح
ویگص روس الضلاله وآل امیه
یصبح عیدعدنه یوم الظهور
ونرفع لافتات بکل نویه
الف حیاک یابن سیدالاکوان
هله بزودک یحمای الثنیه
عله طاهاالنبی وآله المیامین
صلووسلمویل جعفریه
هادی رزیج عساکره (نعیماوی)
هوسات فی مولد المهدی الموعود (عج)
ابسامره فرح واعیاد نصبو بلبلدزینه
نص شعبان یوم العید میلادک یمهدینه
احتفلنه بمولدک یاحید هووسنه یوالینه
(والینه انته وبیک اکفایه)
کل شیعی صبح مسرور حسب الرسم والعاده
یعلن عیدللموعودیفرح یوم میلاده
تهانی للنبی المختار والکرار والساده
(میلادالهزبرمهدینه)
یلمهدی انتظرنه سنین عله دربک نتانی تعود
علینه الفتن بغیابک قدت تنهال یل موعود
امریکاوذیلهه اسرائیل. داعش ویه آل اسعود
(صوبین اتکتل بلشیعه)
هادی رزیج عساکره (نعیماوی)
الیوم حملات الوصی تشوفونها
والحرب واهل الحرب وفنونها::::::::::::::
الحرب واهل الحرب وفنون الرجال
رایح تشوفونهابوکت النزال
راح اخلی بکربلایضیج المجال
وآل هاشم بلوغى تعرفونها::''::::::::::::::
هاشم تعرفونهاابرن الحدید
اسیوفهم شبه الصواعق والرعید
آنه ابن حیدرعلی وآنه العمید
والخیام الموت اﻻحمردونها::::::::::::::
دون المخیم تره موت الحمر
احسین آنه وهاذه عباس الگمر
الیوم نسگی ارجالهه المروالأمر
ونطب للحومه شبه طاعونها:::::::::::::
نطب للحومه ونسوی ملحمه
ضنوة الکرارحمای الحمه
الیوم وادی کربله نصبغه دمه
وعمله نعملهه فلاتنسونها:::::::::::
عمله ماتنسونهاطول الدهر
انضییگ الوسعه علیکم والمفر
صاح الاکبرویه جاسم والگمر
فرت الجیمات واصفرلونها::::::::::::::
لونهاوهاشم تناخت للحرب
اظلمت الصوبین بس حس الضرب
تیهت کوفانهاوین الدرب
والمفرلاوین ساعة کونها:::::::::::::::::::
کونهاوطبوشبه سیل العرم
حسین والعباس ابوالغیره الشهم
وبعدشبه المصطفى راعی العزم
وجاسم اسباع الوغى ایوصفونها::::::::::::::::
ضیگو الوسعه عله جیوش الضلال
کل فردیشبه علی وکت القتال
ابصوت واحدصاحوابذیچ الرجال
اسباع حیدرهای وتعرفونها::::::::::::::
اسباع حیدروالیلاگیهه ویهد
اخیولهه تدوسه وحدرها ینمرد
انهزم عسکرهه وصرخ خل نبتعد
خاف های اجموعنایفنونها::::::::::::::
حیف المگدرتره وحیف المصیر
والمگدرعلخلگ لازم یصیر
احسین واصحابه وهله ابحر الهجیر
امصرعین وزینب ایسرونها:::::::::::
یسروهامن عگب چتل العمید
المجلس ابن ازیادهه وتالی الیزید
والعلیل امگیدینه بل حدید
والحرم یسره وتهل اعیونها:::::::::::::::::::::::::::::::::
هادی رزیج النعیماوی..المحمره
:::::::::::::::::::::::::::::::::
**مقطوعه فی الاعیادالشعبانیة**
یاطیرالی گاصدحضرة حسین
اخذمنی تحیاتی یطایر
بس توصل تبللغ های اﻻشواق
للگبة الصفره والمنایر
وشداجناحک بشباچ بی نور
تشوف امعلگه بیه الضمایر
وبوس اعتاب تسجدعدهه الاملاک
ویقبلهه ابحنان الچان زایر
وسلملی عله الاکبروسبعین
ابجوارحسین ویه ابن مظاهر
وصدللعلگمی وصفگ بلجناح
مرصوب الگمرلوچنت حایر
تنسه حیرتک وهموم العلیک
یم عباسنه بدرالعشایر
گله حبک بگلبی بنه بیت
التجارة حبکم وبانی عمایر
وشوف العلگمی بس تنظر المای
یهمل دمع عینک مای فایر
تذکریوم مده چفوفه عباس
وتالیهه اشجره وشچان صایر
وزورچفوف چانت تاخذارواح
گبل السیف صدگ بل اشایر
وگصدصوب تل الزینبی وروح
سلملی عله فخرالحرایر
وتذکریوم چانت توگف اهناک
تشوف حسین حاطته العساچر
مرصوب المخیم واذکراخیام
وناروجیش وخیول وحوافر
وزینب والنساواطفال رضعان
وعلیل اعله الفراش وخصم جایر
وگیدوجامعه وصیاح ونیاح
وکوفه وشام ودروب المخاطر
خلنه ابمولدالعباس وحسین
وعلی السجادنهدیهه البشایر
الف مبروک های اعیادشعبان
سلامه وخیرللشیعه ومفاخر
واجب نفرح ونحضربل اعیاد
الکل حضاروارباب المنابر
عله المختارصلی خالق الکون
الصلاة اعله النبی ام الشعایر
****
هادی رزیج عساکره نعیماوی
*ردادیه فی اعیادشعبان*
فرحنه والیحبنه یفرح ویانه
فرحنه والیحبنه یفرح ویانه
ابعیدابن الوصی وفاطمه الریحانه
فرحنه والیحبنه یفرح ویانه
یاشعبان اﻻعیاد
بیک منوره البلاد
شهرشعبان بسم حسین عنوانه
فرحنه والیحبنه یفرح ویانه
(یسمونه شعبان حسین)
میلادالشفیه حسین فرحوله
فرحنه و......
والزینه عله الحیطان نصبوله
فرحنه و.....
ابفرح حیدروطاها
والزهرااتباها
تبریک المحمدوده مولانه
فرحنه والیحبنه........
(بارینه للهادی یبارک)
مبروک الگمرهلیله میلاده
فرحنه و......
تبریکات للکراروالساده
فرحنه.......
اشوف الکون نوور
هله بعباس الازهر
مثل نورالبدرمن یشع بسمانه
فرحنه........
(ضاویهه عباس بنورک)
زین العابدین الیوم شع نوره
فرحنه و........
ابمیلاده قدت تزهی المعموره
علی یاقرة العین
هله یاشبل الحسین
یبوالباقریاسورالدین وارکانه
فرحنه و...........
(یاسورالدین وبنیانه)
علی اﻻکبرشباب البیه نتباها
فرحنه.....
صوره وصوت یشبه للنبی طاها
فرحنه......
ابمیلاده فرحنه
صوب الحفل رحنه
چن حسین بل محفل تلگانه
فرحنه و....
(اتلگانه ویحیی اضیوفا)
الهی الی حضر بلحفل هلیله
فرحنه و....
تحفظه وتستراعلیه هوه والعیله
فرحنه و.....
وتطول عمرهم
وتسهل امرهم
کلمن یحب حیدریرتفع شانه
فرحنه و....
(بکل دیره مرفوع الهامه)
**
هادی رزیج عساکره نعیماوی
*هوسات فی اعیادشعبان*
هلاویامرحبابمیلادابوالاحرار
حسین الماقبل عیشة الذل والعار
مصباح الهدایه ورمزللثوار
(کل ثایربسمه یشدحیله)
***
حین الفاطمه جابت ابواﻻحرار
نزل جبریل بارک للنبی المختار
الف مبروک یاطاها وعلی الکرار
(میلادحسین الریحانه)
***
گلی اشگدعظیم حسین عدرباوگدرعنده
حتی یودی جبرائیل یخدمله ویهزمهده
سفینه حسین گدالکون صوب الجنه تتعده
(ولبیهه تمسک هنیاله)
***
یامولدعلی السجادکل الخیر بقدومک
یبت الفرح لهل البیت الف یامرحبابیومک
عله الشیعه بفرح وسرور نتمنه تهل دومک
(وتعیدبیک اهلی الشیعه)
***
مایتوصف العباس یوم الحرب عنده عید
گلی منین یطلبها وهوصندید ابن صندید
صاراصیاح للفرسان یوم الگنطره واربید
(من طگهم واحدبلثانی)
***
صوب المشرعه العباس هد وصارت الحمله
وعلشط صارذاک الیوم موت الزلم بلجمله
کردس جیشهه والخیل بلشاطی وعمل عمله
(للیوم الشط یشهدبیهه)
***
شسولف عن گمرعدنان وحچی بیوم میلاده
انولدوبتسم سن حسین فرحه بهای الولاده
هله بحزام ظهری گال وعم اولادی والساده
(کفوین العم عم الساده)
**
هادی رزیج عساکره نعیماوی
ﺷﺠﺎﮎ ﺍﺭﺣﻠﺖ ﻋﻨﺎ ﺍﺑﺴﺎﻉ ﻭﻣﺸﯿﺖ٠٠ﻭﺣﺘﻪ ﺑﺎﻟﭽﺬﺏ ﻣﺎﮔﻠﺖ ﺭﺍﺣﻞ @ ﻣﻮ ﺣﺘﻪ ﺍﻟﺴﻔﯿﻨﻪ ﮔﺒﻞ ﻟﺘﺮﻭﺡ٠٠ ﺗﻮﺩﻉ ﻧﺎﺳﻬﺎ ﻭﺗﺤﻈﻦ ﺍﻟﺴﺎﺣﻞ @ ﻭﺣﺘﻪ ﺍﻟﺸﻤﺲ ﻣﻦ ﺗﺮﻭﺡ ﻋﻠﮑﯿﻒ٠٠ﻣﺎﺗﺮﺣﻞ ﻏﻔﻞ ﺗﺮﺣﻞ ﻣﺮﺍﺣﻞ @ ﻭﻣﺤﻄﺎﺕ ﺍﻟﺤﺰﻥ ﺗﺼﻌﺪ ﻗﻄﺎﺭﺍﺕ ٠٠ﺷﺠﺎﮎ ﺍﻭﻝ ﻣﺤﻄﻪ ﻭﮔﻠﺖ ﻧﺎﺯﻝ
امی یارمزالوفه ومنبع حنان
یاخیال المایفارگ صورتی
امی مصدرعاطفه بگلب ولسان
ابیقضتی ونومی وگعدتی وثورتی
امی یاحضن الدفه البیه الامان
اغفاوهیه للصبح ناطورتی
امی یاسوره الیرتلهه الزمان
الزمن عنهایگول اجمل سورتی
الباری تحت اجدامهاخله الجنان
وگال تستاهل بعدمستورتی
هادی رزیج النعیماوی عساکره
.................................
فی شجاعة بنی هاشم یوم عاشوراء
.................................
بنی هاشم تنخت بنی هاشم
بلصوارم تعنت بلصوارم
.................................
طبت الیوث الحریبه وغدت یوله بکربله
اظلمت الحومه وتشوف اسیوف تلمع بلفله
تروط ضلت من تحتهم چن لفتهه زلزله
یاعلی الکرارصوت اصیاحهم بلطف عله
الخیل غاصت بلدمه
چن مطرمن السمه
................................
یوم عاشرمن محرم صار عج الهه وغبار
غدت ظلماوماتوچدلیلهه من النهار
غیمت وسهام تمطرمن دماها سیل صار
اتلول صارت من جثثهه وسدت ادروب الفرار
صاح شیال اللوا
وکبرت هاشم سوا
.................................
طب ابوفاضل حربهاوگلب یسره ومیمنه
الجدم سیفه یشیل راسه الشردرمحه یطعنه
لن تلگاهم الاکبروسط الحومه اعتنه
هاذه ابوالحسنین گالو علی الاکبرگال انه
صاحت اجیوش الکفر
وین من سیفه المفر
.................................
احسین واگف والمعاره من جریب یشوفها
اشلون ابوفاضل الهزبرغاص بین اصفوفها
لکبروجسام تبرج عله الروس اسیوفها
آل هاشم سیل عارم حدر عله طفوفها
صاح کفوین بهلی
هله بجسام وعلی
..............................
احسین سل سیفه وتعنه بیوم زینب هلهلت
زلزله من السمه السابع فوگ عسکرهه انزلت
خطم اعلیهه بجواده ومنه ماشاردفلت
صاح یجیوش الخیانه بیکم الضربه حلت
صال شبه القسوره
حسین ضنوة حیدره
.................................داروبجیش اﻻعادی شبه خاتم للصبع
حسین عزرائیل بیده وصارمه بیه الصرع
علی اﻻکبرگام یحصد بلزلم شبه الزرع
جاسم المدرع یلحگه یشیل روحه ویه الدرع
الگمربیمینه اللوا
سیفه بلدم ارتوا
.................................
هادی رزیج النعیماوی
المحمره
.................................
.................................
فی واقعة الطف
.................................زینب عله التل اتصیح وین اوگعت یاجیدوم
اشوف اظلمت الدنیاوصار اصیاح بین الگوم
........ .....................
اشوف اظلمت الدنیاوصار انهارها چالیل
والکون انگلب صوبین بس تسمع صهیل الخیل
هل منظریبوالسجاد راوانی الکدروالویل
جاوبنی یمای العین
وینک یاکتریحسین
اخافن فتک بینه البین
ماتنهض یبوالسجاد من فوگ الثره وتگوم......... .......
ماتنهض یبوالسجادروحی ذابت وراحت
طاح البیت فوگ الراس لمن رایتک طاحت
اسهام الاحتک یاخوی ریت ابناظری لاحت
ولاشوفک عله الغبره
وبجسمک الف طبره
خویه الگلب شیصبره
ماندری یخویه شصار والعسکرعلیک یحوم
................................
ماندری یخویه شصارونته بیاکترطایح
وصلت خیلهم حدنه وسمع بلخیم صایح
یاتالی الاهل یحسین وین من الاهل رایح
بس انته یهل منعوت..بگیت ترد علینه الصوت...کل گومی دهاهاالموت
الگمرفوگ الشریعه طاح وراسه بلعمدمجسوم
.................................
طاح الگمرفوگ الگاع ویلی وطاحن اچفوفه
یمه الجودوالرایه وعینه بسهم مطروفه
یصدللخیم جفنه چان من بعید ویشوفه
شابح للخیم عینه..والجوده وگع وینه..یگول الوعدیسکینه
جبت المای لاچن آه صاب الجود سهم الشوم
.................................
سهم الشوم صاب الجود شحچیلک یبوالیمه
الاکبرمنجسم راسه وجاسم سابح بدمه
وعبدالله الرضیع الچان ریحانه ووکت شمه
یبچی وغارن عیونه..ردنه الگوم یسگونه..ماقبلویرحمونه
لنه حرمله صاباوگص نحره بسهم مسموم
.................................
خویه حسین شنهوالصار جاوب یابعدعینی
مهرک طب للمخیم بلاخیال لافینی
یصهل والسرج مگلوب صحت بصوت حاچینی
علی السجادیاعمه..اجانه المهروبهمه
جاوب وین ابوالیمه
اشوف المهرردخالی اشعنده من المعاره اعلوم
.................................
مهرحسین جانه یصیح ویدگ بحافره ویبچی
یصهل یم المخیم وبلسان الدمع یحچی
چنه یخاطب السجادگوم الوالدک تچی
وگع والسهم بفاده..یاجدی بهظم ناده
تراب الگاع اله وساده
من العطش ضل یلوج وجروحه تسیل ادموم
.................................گال الهه علی السجاد یا عمه ابونه راح
الهظیمه والظلیمه بصوت مهره بلمخیم صاح
صارت بلخیم یوله من سمعن عمدهن طاح
های تصیح یاخویه..وذیچ تگول یابویه..اطفال وحرم دویه
فرت من المخیم تصیح حسین یامظلوم
.................................
هادی رزیج النعیماوی
................المحمره........
نوحیه خاصه الی مشایة اﻻربعین الحسینی
........ ........................
یحسین یابن علی.یابعدعمری وهلی
الخدمتک جینه الیوم مشایه
انته وعضیدک حامل الرایه
یحسین یابن علی....
................... ............
جیناک مشایه ودربنه ابعید
صیام ونته اهلال یوم العید
یلی اسکنت بلگلب
ننخاک طول الدرب
یحسین یابن علی
.................................
من الاهواز(الفلاحیه)ومن المحمره
جیناک یابورایة الحمرا
نخوانه یابوالحمه..بلگلب حبک نمه
یحسین یابن علی
.................................انته السفینه ومنجی الشیعه
دونک عمرنه سیدی نبیعه
نفداک یاسیدی:نورانته بی نهتدی
یحسین یابن علی
.................................
مصباح یلبیک الدجی زالت
بدماک ارض اطفوفهانالت
نالت العزوالفخر..والهیبه طول الدهر
یحسین یابن علی
............. ...................
انته الی گال المصطفی عنک
یحسین منی انته وانامنک
صاحب کرامه وأبی..تشبه الطاهاالنبی
یحسین یابن علی
.................................
فوگ المعالی سیدی صیتک
نبراس تبگاوکل اهل بیتک
انتم اعلام الهدی..بیکم الباری ابتده
یحسین یابن علی
.................................
یحسین جینه الیوم زوارک
لرض الطفوف وکلنه خطارک
منک یراعی الوفه..نطلب الحاجه وشفه
یحسین یابن علی
.................................
بسم الوفی العباس نادینه
بحماک یوم الحشرتحمینه
یابولواالمنتشر..بحماک یوم الحشر
یحسین یابن علی
..............................
عباس حدالموت منعوفک
نقسم علیک بگطعة اچفوفک
یارحمه من العلی
تقضی الحوائح الی
یحسین یابن علی
................. ...............
هادی رزیج النعیماوی
المحمره
................................
................................
نوحیه فی واقعة کربلا
.................................
جینه الکربله بعزوکرامه
ردینه الوحدنه بس یتامه
یثرب یاوطنه.راحوکل اهلنه
ماتنفع بعددمعه ولیامه
.................................
گصدنه الکربله من المدینه
بکل هیبه وحده الحدای بینه
عباس البطل حامی الضعینه
بنی هاشم عن یساره ویمینه
الاکبرویه جسام.بیهم تزهی الایام
وحنه ویاهم بخیروسلامه
ردینه الوحدنه بس یتامه
.................................
حده العباس والوادم تشوفا
لازم ناگة الحره بچفوفا
یبره الضعن مالازم یعوفا
بسلامه لازم یوصله الکوفه
الگمرحالف اببخته.ابخیرایوصل اخته
شمرساعده وذب العمامه
ردینه الوحدنه بس یتامه
.................................
لمن گربت اضعون الهواشم
من کوفانهاجت العلایم
مسلم عله الغبره صارنایم
الکوفه بیک خانت یبن فاطم
طاحت بولیة انذال یجرونه بلحبال
غریب ومحدمن اهله وعمامه
ردینه الوحدنه بس یتامه
............ .............
آمرللمدینه یردضعنهم
لن جیش الریاحی گرب منهم
منع رجعتهم الیثرب وطنهم
ابوادی کربله حطورحلهم
ارض غفره بلامای .گلهم لیش یعدای
گالوامروالینه وکلامه
ردینه الوحدنه بس یتامه
.................................
من سمعونزل بلغاضریه
اجت کوفانهه لبن الزچیه
مگصدهم ذبح راعی الحمیه
اهوه ویه اهل بیته سویه
اتکامل جیش الانذال
سبعین الف خیال
الکل رایدچتل ذوله النشامه
ردینه الوحدنه بس یتامه
.................................
ابعاشرمن محرم صارت صفوف
هجموعله حسین وزینب تشوف
من عباس گطعویوزالچفوف
بحگ حسین ماراعوالمعروف
اسیوف ارماح وسهام
حرگوویلی الخیام
وعطشان انذبح راعی الشهامه
ردینه الوحدنه بس یتامه
................................
انذبح عطشان ابوالیمه وعضیده
وجسام الشباب وعلی اولیده
وبنبله الطفل گطعووریده
اشحال حسین حین الجابه بیده
اتلگته النساوین.سگیته مای یحسین
شافنه یرفرف کل حمامه
ردینه الوحدنه بس یتامه
.................................
من بعدالکتل حرگوهاالخیام
وسلبویویلی اطفال ویتام
یسروهاالحرم للکوفه والشام
وضل حسین عاری ثلث تیام
جسمه مسلبینه..راسه شایلینه..عله راس الرمح نسمع کلامه
ردینه الوحدنه بس یتامه
.................................
هادی رزیج النعیماوی
المحمره
.................................
گالوتلطمون عاشوروصفر
گلت لازم نلطم بطول الدهر
من سماحبنه الشمس نص النهار
طاحت ومن لیلنه انباگ الگمر
اشلون گلی الضیع انهار ویه لیل
مایصب جفنه بدمع دم الحمر
الناس من تفگدبشرتبچی وتنوح
والفگدناه احنه ابوالکل البشر
الفگدمصباحه یدورله اعله نور
اشلون حاله الفاگداصبی النظر
بحریوم الدین ویهابه الیفوی
ابلاسفینه اشلون تدخل للبحر
وحنه عدنه حسین بس درب النجاة
السلک هاذه الدرب ماهاب الخطر
هل سفینه العافهه یغرگ اکید
والرکبهامن الخطرفات وعبر
هادی رزیج النعیماوی(عساکره)
وینک انته
یاحلم ضیعته های اسنین بس لحظات شفته
دورت ذاکرتی واحلام الطفوله وآرشیف الفات وکته
مالگیتک
یلچنت نیشان ذاکرتی القدیمه
یعنی معقوله امسحت ذاکرتی بیدک یاحریمه
آه منک عاقبتنی ابهیچی قسوه
چیه عشگتک
لیش هووه الحب جریمه؟
مالگیتک
وخابت آمالی البعیده
التمت اهمومک بروحی وخضرت بیه قصیده
آنه من بعدک صرت شبه الجریده
وقصتی کتبوهاابجریده
وچنت باخرلحظه اردد ریت اجه الغالی وحضنته
وسکن ونی وسکت گلبی
وچان ویه السانی ینطق گبل لایعرف السکته
وینک انته
وینک انته
وینک انته
هادی رزیج النعیماوی عساکره
لیش عدنه بس خریف لا ربیع ولاورود
لاخضاربگاعنه لامن زراعه والنشاط اصبح جمود
سلة الفلاح مابیهه عنب لابیهه تینه
فاهیه دوم وحزینه
رقم کل تعب الیتعبه والجهود
یاارض لیش المصایب بس تصیبچ
المای مالح والغبار اصبح نصیبچ
خیرچ الغیرچ واهلچ مالهه من الباگه عود
لیش املح صارخدچ یاارض چنتی عروسه وکلوکت حمره الخدود
چان شطچ دوم طافح ومایه حدالبگشه سافح
اشمانحط جدامه سد اشمانروف بزوده یعبرها الحدود
هسه تعبان ویجربلگوه نفسه
بقت منه بس علامه
نشف مایه ونجبرنه انچمله من دمع الیتامه
لیش هل طیحه طحتهه وشلت رایه للسدود
لیش چا هلکبرجرحک طولا من لهواز حدزاینده رود
هادی رزیج النعیماوی عساکره
مقطوعه
فی مولدالامام علی علیه السلام
.................................
من کل بلدللعمره تشوف الناس
للکعبه اتتعنه تعتمربیهه
تگصدللعباده اهناک تگضی ایام
تهتم بفرض توحیدباریهه
ذاک الیوم عندالبیت کل الناس
شافوبت اسدوالخوف عالیهه
کضت بل ستارونادت المعبود
جیت الکعبتک یارب یراعیهه
ضاهدنی الحمل والطلگ هدالحیل
فرجهه الهی وحاجتی اگضیهه
لن انشگ جدارالبیت گد الباب
طبتله ام علی والعرش یحمیهه
وتلایم الحایط ردمثل ماچان والزوارتنظرماجرا علیهه
ثلث ایام وهیه ضیفة المعبود
ومریم وآسیاچانت تباریهه
ومن طلعت کأن البدرشع ولاح
شافوفاطمه والبدربیدیهه
نورالمرتضی دگ للسمه من الگاع
الملایک حییته وهوه الیحییهه
وچان المصطفی یتنطرالکرار
گبل لاینبعث والناس یهدیهه
یعرف بی وزیره وحجة المعبود
ولی الله وعله المخلوگ والیهه
ابتشرسن النبی من شاف داحی الباب
گال اهلاعلی یاعزمسامیهه
وحیدرسلم اعله المصطفی المختار
نطق والکل سمع اول وتالیهه
اولهه شهدللباری بلتوحید
والثانی المحمدنبی وهادیهه
هادی رزیج نعیماوی عساکره
مانسیتک
یل سکنت ابوسط گلبی وصار نص احشای بیتک
ماااااااانسیتک
گلت شنهوتگول عنی
گتلک احچیهه بصراحه
نعم گتلی والصراحه هیه راحه
ومن حچیت وقدمت لیک النصیحه
ازعلت منی وعفت احاسیسی جریحه
لیش ماتقبل حچیتک
مانسیتک
الهسه احبک یاحقل فاحت ورودک
الهسه احبک ونتظربوست خدودک
چنت ادورک های مده وهسه یلغالی لگیتک
مانسیتک
هادی رزیج النعیماوی
قصیدة المطر
یامطرحیاک یامحبوبنه
یلبجیتک فرحیت اگلوبنه
یلذی ابجیتک زلت کل التراب
وبتشرنه من اجیت من السحاب
ریت گبل الموت والوان العذاب
للضمایرنغسل من اذنوبنه
ریت نغسلهه ضمایرنه ونتوب
وعل محبه والوفه انصفی الگلوب
التوبه والاحسان تمحیهه الذنوب
کلمطریغسل غبارادروبنه
کلمطرمن یغسل ابجیته الغبار
وخل نعوف الحقدمصدر للدمار
خل یصیرالنه اسم ربنه شعار
های ورقه الرابحه بجیوبنه
های ورقه وبلتجاره رابحه
وللدرب تضوی شبه شمس الضحی
الدین لاهوامجامله ولامستحه
اسلوب طاهاخل یصیراسلوبنه
اسلوب طاهاالمصطفی سید البشر
الصاربﻷخلاق للعالم فخر
ندعی من الله یبارک بل مطر
والرزق والعافیه مطلوبنه
هادی رزیج نعیماوی عساکره93/12/3
یابشرعوف التکبروالغرور
وارداگلک فکرابتالیتک
هم یجیلک یوم تترکهه القصور
والگبرواللحدیصبح بیتک
والتراب یصیرلک تالی فراش
لاسریرولاتضل زولیتک
الدودیصبحلک یبن آدم جلیس
عگب گعدات اهلک وذریتک
ماتفیدک لاعشیره ولا عمام
اهناک اسمک مایفید وصیتک
اهناک بس ینفع عمل زین وثواب
انچان ترضی الله ورسوله نیتک
فعل خیروعشره طیبه و حسن ذات
واعله حب حامی الحمه تربیتک
وتطعم اولادک چنت لگمة حلال
والهم ابترک الحرام اوصیتک
ایصیرگبرک روضه جنه من الجنان
وطیبات اثمارهاتغذیتک
وچان ماعندک عمل زین وثواب
احسب احساب اخسرت کل شیتک
ابلا محبت حیدروآل الرسول
شنهوعذرک بلقیامه وحیتک
جدمک اتزل من عله جسر الصراط
وتوگع ابوادی سقرتالیتک
وبلگبرتتعذب اشکال العذاب
والاغلال ابرجلک وناصیتک
اتأمل وعیدالنظرگبل الممات
وعبی من خیرالعمل مزویتک
الله للتوبه فتح یفلان باب
اتفوت منه بلعجل یاریتک
هادی رزیج النعیماوی عساکره
..............................
زینب تحاورالعباس علیهما السلام
.................................
خویه عباس اجیت بشیمتک
لرض العراگ طلعت بهمتک
ونته یاخوی تباری المحملی
بسم ابوحسین یهزبرنخوتک
.................................
جیت ویاک عزیزه مدلله
ونته ویای تباری العایله
من المدینه بحماک الکربله
دون الضعون ترفرف رایتک
.................................
جیت ویاک عفت دیرت هلی
آنه بنت الطاهره وحیدرعلی
لاتخافین گلتلی تدللی
آنه حمای صحت بین اخوتک
.................................
آنه حمای واعرفنک شهم
وارث الحیدعلی وذاک العزم
انته شبه الأسدماتنهزم
تشبه الطودیهزبروگفتک
.................................
زینب تصیح یعباس الگمر
مووکت نوم ینایم عل نهر
حرمه واجناب تخلینی بخطر
تقبل اشلون یخویه غیرتک
................................
تقبل اشلون یسبع الگنطره
حسین مذبوح یضل فوگ الثره
الحرم واطفال خذهاامیسره
ساکت اشلون دگلی اشقصتک
.............. .................
ساکت اشلون اریداگصد وشوف
ماتردلیش یطاعون الألوف
ثاری معذوراخوی بلاچفوف
گطعواعداک یسارویمنتک
.................................
یسره ویمین وراسک ماسلم
انضرب بعموداویلی ونجسم
عمت عینی رموعینک سهم
والعلم طاح حسافه وجربتک
.................................
اعتنت لحسین تناشدیاعمید
ماضگت مای یمحزوزالورید
راسک یروح هدیه حگ یزید
وفوگ التراب سلیبه جثتک
.................................
فوگ التراب بگاجسمک طریح
دمک یسیل عله الگاع ویسیح
وبعدعبدالله یم جسمک ذبیح
بنبله مسمومه تشبه نبلتک
................ .............
ویلی اعلیک یمگطوع النحر
تموت عطشان جریب من النهر
والشمریذبحک من الظهر
فوگ صدرک عله وحز رگبتک
.................................
خویه یحسین رحت عنک غصب
عگب عباس مشیت ویه الغرب
وعلی السجادعله طول الدرب
امگیدولوعته من لوعتک
................................
لوعته علیک یهل دم الدمع
یصیح یحسین یمکسورالضلع
یاضوه البیت چنت دایم تشع
هسه التراب یبویه وسادتک
.................................
انته مذبوح ونه رحت ابیسر
کوفه والشام مع شمروزجر
احسین بعدک فلایحله العمر
ولاتمرشده تشبه شدتک
.................................
هادی رزیج النعیماوی
...........المحمره.........
.................................
.................................
فی واقعة محرم
.................................
الله واکبریبن حامی الحمه
تموت عطشان وسابح بلدمه
تصدعینیک للخیم.تنظراطفال وحرم
فرت بلایه حمه
.................................حسین یاخوی یمن بیک السعد
خانت اعداک ولاعدهم عهد
الکوفه جرت للحرب
تهتف بطول الدرب
کلهه اجت متحزمه
.................................ذبحک تریدعگب مابایعت
الک یحسین وحگک مارعت
مارعوحگ النبی.ولارعو حگ العلی
بیک یابن فاطمه
.................................
الکوفه والشام تناخت للقتال
صارت صفوف تطالب بلنزال
تریدک انته یاعمید.بیدک تبایع یزید
اﻷمربیده تسلمه
.................................
تبایع یزیدتریدک یانفل
وتقبل الظیم یهیبه وهاذه ذل
حتى ﻻتدفع ثمن.تخضع الطاغی الزمن
وچف یزیدتسالمه
.................................
تعرف اعداک یبن طاهاالنبی
انته علظیم یبوسکینه أبی
العاروالذل ماترید.وعله العیشه وی یزید
الموت والله تقدمه
.................................
ابیوم عاشورتعناک الفزاع
العددسبعین الف شان النزاع
بکربله التمت سوه
صوت المحشم دوه
للقتال ایحشمه
.................................
المای منعوه المحشم یگول
بعطش یگضون نریدآل الرسول
لایگربون الفرات.خل یودعون الحیات
خل یموتون ابضمه
.................................
ذبحوحسین وگومه وصحبته
ویسروکل عیاله ونسوته
حتی عبدالله الرضیع
بلسهم مرمی وصریع
وبچت لمصابه السمه
.................................
الکوفه والشام خذونه بهل طریج
عفنه الخیام یشب بیهه الحریج
الجثث ضلت علثره.بلادفن وموذره
سابحه بفیض الدمه
.................................
هادی رزیج النعیماوی
المحمره
................................
.
.................................
فی احوال الطف
.................................
اجت زینب الحره تجری الدمعه
للعباس اخوهارایده تودعه
.................................
تودعه والدموع یسیل مجراها
ابوفاضل نهض لخته وتلگاها
تگله آنه الودیعه البیک تتباها
اشلون انته الجبتنی تعوفنی بسرعه...... . .............
بسرعه تعوفنی علفرگه مالی حیل
ودارت علمخیم زلم ویه الخیل
خویه شلون لوچلچل علینه الیل
بلاوالی وعلینه فزعت الفزعه
.................................
فزعه والسیاط بمتنی وضلعی
امرن بیک علناگه ویهل دمعی
انته الی گلتلی بشاربی طلعی
خویه اشلون حگ العهد ماترعه.......................
خویه اشلون ماترعه العهد ویای
تترکنی یسیره ابین های اعدای
اذاللمای رایح مانرید المای
نشرب ریت من کاس الحتف جرعه...........................
یگلهه لاتخافین آنه ابن حیدر
لخلی اجسادهم منهه یضیج البر
بعدساعه اذاصارالحرب والکر
تشوفین العساکرتنفجع فجعه
.................................
اخلیهه چواین لهل کوفه ودگ
واجیبن راس ماردبیدی امعلگ
کلمن گرب روحه من الجسد تزهگ
الجهنم ینحدرروحه بلارجعه
.................................
گالتله اعرفنک شبل عودی
گلهه اوداعتچ لفدیلچ اوجودی
سیفی بیمنتی من یوصل احدودی
ورمحی احساب صل والیگرب یلسعه...............
الیگرب مایریدالروح وین یروح
یصفه بس جسدوتروح منه الروح
گصدی المشرعه والیوم اخلی النوح
ابکل بیت اهل کوفه الوادم تسمعه.........................
توادع ویه اخیته وودع اعضیده
وصارت کربله تهتزمن ارعیده
عزرائیل بیده من یشیل ایده
یشیل ارواح بیهه العشره والتسعه.......................
یقبضهه وتدوس الخیل شی ابشی
صارت ثغبره ومادره الحی بلحی
شی بلشط تهاوت سیست بل می
وشی ماتدری وین المفر والطلعه......................
وین المفروالعباس یطردهه
شی ابشی یطگهه وگام یمردهه
ابسیفه البیه موت الحمر یحصدهه
وضیگ عله الکوفه بصارمه الوسعه........................
لوماالقدرماخله یردمنهم
امخبرلاکن الکوفه القدر فنهم
حین الی ترس جوده وصدر عنهم
ابسهم صابوالجربه وخاب کل مسعه....................... ..
بسهم صوبوجوده وخابت آماله
گصده حسین یشرب مای واطفاله
لن گطعویمینه وگطعو شماله
اجاله حسین شاف اچفوفه امگطعه......................
اچفوفه امگطعه والعین مشلوعه
وراس منجسم ضل تهمل ادموعه
گال انکسرظهری وحنن اضلوعه
وگع بیتی ینورالبیت یاشمعه
.................................
ردللخیم والنسوان شافنه
مشه الخیمة عضیده وهنه تبعنه
جراعمودهه وصاح وجذب ونه
اجن بصیاح اله والناعیه تنعه
..................................
هادی رزیج النعیماوی
المحمره
.................................
الباب هاذه الچان تتزاحم علیه
چفوف جبریل وملایکة السمه
حتى تتبرک بسم طاها اﻷمین
وتخدم اببیت الزچیه فاطمه
هاجمته التدعی اصحاب الرسول
ابکل رذاله وبیه شبت حاطمه
ونبتوالبسماربضلوع البتول
وسقط محسن وصبحت تنزف دمه
ولطم عین الزهراابن ذاک اللعین
عگب ماچتفوعلی حامی الحمه
وبچواعیون الحسن ویه الحسین
ریت کون اعیونهم طگهه العمه
هادی رزیج النعیماوی عساکره93/12/13