هوسات فی مولد المهدی الموعود (عج)
ابسامره فرح واعیاد نصبو بلبلدزینه
نص شعبان یوم العید میلادک یمهدینه
احتفلنه بمولدک یاحید هووسنه یوالینه
(والینه انته وبیک اکفایه)
کل شیعی صبح مسرور حسب الرسم والعاده
یعلن عیدللموعودیفرح یوم میلاده
تهانی للنبی المختار والکرار والساده
(میلادالهزبرمهدینه)
یلمهدی انتظرنه سنین عله دربک نتانی تعود
علینه الفتن بغیابک قدت تنهال یل موعود
امریکاوذیلهه اسرائیل. داعش ویه آل اسعود
(صوبین اتکتل بلشیعه)
هادی رزیج عساکره (نعیماوی)
اهلالک هل عله الشیعه بفرح وسرور
یاشعبان یاشهرالسعد والنور
بیک انولدمن یمحی الظلم والجور
(مهدینه البی عزوهیبه)
فرحنه وصارعدنه عید هلیله
للحجه نهوسله ونغنیله
الیله العسکری کلنه نهنیله
(مبروک ابمولدمهدینه)
الف مبروک یاضنوة علی الهادی
ابمیلادابنک البی زادت امجادی
متعنی الحفل جیت ابعزم بادی
(للمهدی افرح های الیله)
الیله یلمحب بلفرح شارکنه
انبارک للنبی والله یبارکنه
بلشده نریدالمهدی یدرکنه
(ابکل ضیجه یامهدی ادرکنی)
الهی بلحسن وحسین واحفاده
کل حاضرتحفظه وتحفظ اولاده
الهی الحاضرین اویای والساده
(لظهورالمهدی اتخلیهه)
هادی رزیج عساکره نعیماوی
عرب لهوازکلهه اخوان احچیهه ابعگل صاحی
لوعالوعله کارون یتحزم الیراحی
هذول العرب بلشده احزام الظهرواسلاحی
والیوصل حدهم یاویله
ابن کارون موش اوحید بلیراحی خوانه
تفزع عله العایل بیه وتگطع شفرة السانه
لیام الفزع والضیج یعرب هیچ ربانه
نسحگهه اخشوم العیاله
هادی رزیج النعیماوی
احیی حجی......ابسلفنه زاهی اهلاله
حج الکعبة الباری یابخته وهنیاله
کلنه الیوم فرحانین والزین انتعناله
..نتعنه البی عزوهیبه
:::::::::::::::::::::::::::::::::
تستاهل یمای العین نتلگاک بل هوسه
چفک لامس الکعبه یستاهل علیه بوسه
الفرح عندالاهل هلیوم یعزف گام ناقوسه
..نتلگه الحیدالغیراوی
:::::::::::::::::::::::::::::::::
یل زرت طاهاابوالعتره ویل زرت گاع البقیع
وطفت بلکعبه الشریفه وگمت تدعی للجمیع
انشالله مقبول حجک والتعب لامایضیع
..یتقبل سعیک بارینه
::::::::::::::::::::'':::::::::::
العمام الیوم ملتمه اجتک بلفرح وسرور
الف یامرحباابجیت زرت بیت الله المعمور
الحج انشالله مقبول وسعیک یاشهم مشکور
..مقبول الحج من الباری
:::::::::::::::::::::::::::::::::
الک یابو.... الیوم جینه ابهوسه جمعیه
نصیح ابصوت اهلابیک یهلال الیشع ضیه
کل حجی الگصدللبیت انگله هله ابهل جیه
حجاج البیت اهلابیهه
::::::::::::::::::::::::::::::::'
الف اهلاوسهلابیک زایرکعبة المعبود
وزرت طاهاالنبی المختاریانسل الکرم والجود
اشگدبیک الگلب فرحان ونته اببینه موجود
حی الله ابجیتک یاغالی
::::::::::':::::::::::::::''::::الیگصدکعبة المعبودلازم الله رایدله
والیرضه علیه ربه یجدله البخت ویعدله
الف مبروک یاحجی بللی چنت گاصدله
..یربات العزجیتک هیبه
::::''''::::::::::::::::::::::::اهلابیک طفت البیت وارکانه
وزرت گبرالرسول الرحمه عنوانه
الحمدلله یطیب هسه ویانه
..هلیله الحی بسمک زاهی
:::::::::::::::::::::::::::::::::یلطفت کعبه الشریفه وزرت مکه ام الدیار
ارداسئلک یبوالغیره هم شفت طرالجدار
واضح یگولون عنه مثل متشوف النهار
بلحایط واضح نیشانه
:::::::::::::::::::::::::::::::::الف حیاک حجینه یبوالغیره
زاهی السلف بیک وضاویه الدیره
الهی اتدوم بین الناس هل سیره
..زایربیت الله ایزورونه..
:::::::::::::::::::''''::::::::::
هادی رزیج النعیماوی
.................................::::::::::''::::::::
*هوسات فی اعیادشعبان*
هلاویامرحبابمیلادابوالاحرار
حسین الماقبل عیشة الذل والعار
مصباح الهدایه ورمزللثوار
(کل ثایربسمه یشدحیله)
***
حین الفاطمه جابت ابواﻻحرار
نزل جبریل بارک للنبی المختار
الف مبروک یاطاها وعلی الکرار
(میلادحسین الریحانه)
***
گلی اشگدعظیم حسین عدرباوگدرعنده
حتی یودی جبرائیل یخدمله ویهزمهده
سفینه حسین گدالکون صوب الجنه تتعده
(ولبیهه تمسک هنیاله)
***
یامولدعلی السجادکل الخیر بقدومک
یبت الفرح لهل البیت الف یامرحبابیومک
عله الشیعه بفرح وسرور نتمنه تهل دومک
(وتعیدبیک اهلی الشیعه)
***
مایتوصف العباس یوم الحرب عنده عید
گلی منین یطلبها وهوصندید ابن صندید
صاراصیاح للفرسان یوم الگنطره واربید
(من طگهم واحدبلثانی)
***
صوب المشرعه العباس هد وصارت الحمله
وعلشط صارذاک الیوم موت الزلم بلجمله
کردس جیشهه والخیل بلشاطی وعمل عمله
(للیوم الشط یشهدبیهه)
***
شسولف عن گمرعدنان وحچی بیوم میلاده
انولدوبتسم سن حسین فرحه بهای الولاده
هله بحزام ظهری گال وعم اولادی والساده
(کفوین العم عم الساده)
**
هادی رزیج عساکره نعیماوی
من صوول علی اﻻکبرشبیه المصطفى المختار
طشرهه الزلم والخیل لبسهه الخزی والعار
ذکرهم بضرب السیف صوﻻت الوصی الکرار :::ذکرهابحیدروایامه:::
من شبخ صهوة جواده وفوگ المطهم رگه
خزرعینه عله الشریعه لچن فارس مالگه
سیست بلشط زلمهه وشی قدت متعلگه
...برچاب الخیل اتسح بیهه...
هادی رزیج النعیماوی
علم ابنک عل تواضع علم ابنک عل کلام
من یمرعلناس گله یبتدی هوه السلام
عامل الناس ابمحبه وابأخووه واحترام
(کل زین الناس یحبونه)
علم ابنک عل مجالس علم ابنک علقلم
گله درب الخیرسلکه هاذه درب البی سلم
الناس کلهه اعظاک عدهه لو عضومسه الألم
(تنحبله اعظاک وتبچیله)
علم ابنک علثقافه ودرسه ادروس الوفه
وگله بلمعروف یحصل لون عندک معرفه
الزرع زین الزین یحصد والذی یزرع جفه
(بس الهم والشرمحصوله)
علم ابنک عل محنه وگله درب الشرغبر
گله یصبرعلمصایب ظفرتالیته الصبر
الزین تنشدکلهه عنه لاکن اسلیمه الغبر
(لافادولاواحدراده)
هادی رزیج النعیماوی
............. ..............
علم ابنک عل ثقافه العاف درب الشرسلم
بلعلم یرتفع شانه وبلبلد یصبح علم
ماقسم بلتفگ ربک لچن یقسم بل قلم
(مفتاح الصعبه یسمونه)
گله یبنی بل دراسه توصل العزوالفلاح
والبشرلوصارواعی عاش کل عمره ابنجاح
حتی من یوصل وکتهه یکون جاهز للکفاح
(للموت وماینطی اسلاحه)
هادی رزیج النعیماوی..................................
یبوالزهرایامحمدانته یاساس المجد
تاج فوگ الروس تبگه غصبن اعله اهل الحقد
لایهود ولانصارا وکلمن اویاهم یضد
(ماگدرونورک یطفونه)
**
اشحدهم ایطفون نورک بلفواه البارده
انته شمس الله المنیره فوگ غصبن علعده
ختم بیک الباری دینه وخلقته بیک ابتده
(الکون اتکون لوجودک)
هادی رزیج النعیماوی
عرب لهوازکلهه اخوان احچیهه ابعگل صاحی
لوعالوعله کارون یتحزم الیراحی
هذول العرب بلشده احزام الظهرواسلاحی
والیوصل حدهم یاویله
هادی رزیج النعیماوی
من صوول علی اﻻکبرشبیه المصطفى المختار
طشرهه الزلم والخیل لبسهه الخزی والعار
ذکرهم بضرب السیف صوﻻت الوصی الکرار
:::ذکرهابحیدروایامه:::
هادی رزیج النعیماوی
ابوذیات وهوسات
فی مولدالامام علی علیه السلام
.................................
علی حبک سکن بلروح بلبیت
ابدلیلی ونعجدعجدات بلبیت
من مثلک یحیدانولدبلبیت
الباری خصک ابهای الهدیه
..............................
علی یحودالزلم من گدر حدده
بحرتیاریاهوالوصل حده
علی یاسیف رب الکون حده
ابروس اهل الضلاله والرگاب
.................................
هوسات
.................................
فاطم بت اسدمتعنیه اجت للبیت
صاحت یاالهی ابطلبه صوبک جیت
الولاده های تتسهل علی یاریت
(والبیت انطررن حیطانه)
بیت الله انفطروانشگن الجدران
وطبت فاطمه منهه الگلب حیران
صاراهناک المطوع الانس والجان
(والکعبه اتباهت بوجوده)
...............................
بلکعبه انولدواتباهت الکعبه
علی حاضرالشده لوردت جربه
علی خسران ضده وفاز الیحبه
(خسران اصبح کلمن عافه)
........... . .................
الشیعه بصوت کلهه تصیح یاوالی
امبارک مولدک یاشهم یاغالی
راس الشیعی بسمک للسما عالی
(تستاهل بیک ارفع راسی)
..............................
دارمیات
..میلادابوالحسنین الکلمن یحب عید
هلیله کل امکان تحله الاناشید
حیدرعلی الکرارهیبه وفخرنه
وعندالصراط اهناک عون وذخرنه
نادی علی الکرارنادی الصمیده
یحضرلک الشدات یگضیهه بیده
.................................
هادی رزیج نعیماوی عساکره
.................................
نجمه بگصة التاریخ عرب وعله الخلگ ساده
المجد منه اخذعنوان وحنه مصدرامجاده
نموت ابفخرمثل حسین نکره موت الوساده
(والعیشه بذل مانهواها)
آه یانخل الجزیره ویاتمرها البی شفه
وگاعها وطیبت اهلها الکلها غیره ومعرفه
اهناک دلالی ترکته احذالکم یهل الوفه
(یربات العزیهل الغیره)
من غزوناگة العزه وگادواعدای الزمام
صحت وین اهل المروه ووین صولات العمام
ثاری اخوی الگعدصایرمن وگع منه اللثام
(للعایل جرهاووداها)
الثارالثارثارالثاروکت الثاریهل الثار
وغیرالثارذله تصیرومانقبل الذل والعار
للخوان خلک مای عل عدوان خلک نار
..عدوانک تحرگ سلفاها..
تضل دوم ابعزم عباس مهیوبا ثنایانه
چفنه ایلاوی الفولاد اشحده الخصم لاوانه
احنه من یصیرالماوگبل الفزع تلگانه
(للماواردان مشکلینه)
صدیق الی مشالی یوم طول العمرامشیله
واصیرنله سند بلضیج کلما مال اتچیله
الیرشه ابمای ارشه ابدم ولوثارت علیه چیله
(بلناراحرگهه العیاله)
لینه لوعجیدالگوم عند الموزمه اشر
نصیراصفوف بلحومه ونخلی الخصم یتطشر
الیریدالخیراحنه اهله لاچنه الیرید الشر
(من باب الشرطبیناله)
هادی رزیج النعیماوی