واقعة الطف وشجاعة بنی هاشم
.................................
هاشم ونعمین زودارجالها
شرداوصف بلطفوف افعالها
.................................
شرداوصف افعالهابوادی الطفوف
حین صفت للحرب ذیچ الصفوف
کل فردهاشم یعادل عن ألوف
شبه لیث ومایهاب اهوالها
.................................
الیوث کلهه وبیهه ابوفاضل جدم
گال دون حسین یاروحی عدم
صاح والعسکرمن الصیحه انصدم
ابصیحته ارواح العساچر شالها..........................
شالهاوالموت طب للمعرکه
غدت ضجه للسیوف وصکصکه
الفرسلم من الحتف والمهلکه الگرب موته بسیف فخر اشبالها.........................
اشبالهاوبیهم علی الاکبرمرد شهرسیفه وگام یطردهم طرد
صارمه برگابهم یبردبرد
والتفریصیدهابعسالها
.................................
یطعن برمحه ونثرهاعله الارض
ومرهفه صلی بجماجمهه فرض
غاص بلوسطی وخرج من العرض
کفوبطاعون الزلم وسلالها
.................................
علی الاکبرهاذطاعون الزلم
لن نزل جسام للحومه بعزم
الخیل طشرهاوغده بیهه یلم
والتفریوگع چتل خیالها
.................................
یوگع وتتعثربجثته وتطیح
والزلم مابین مچتول وجریح
أبدمابالی بعساچرهه یصیح
الکوفه لوگدهه بعدواعدالها
.................................
بعدگدهه وماابالی بل عدد
الیوم اخلی جموعهابسیفی بدد
برزلیهه حسین والعسکرشهد گال ملک الموت للطف یالها
.................................
گال ملک الموت بلطف وحضر
شکل ضرباته شبه فارس مضر
صاعقه سیفه وحرگ حتی الخضر
اظلمت الحومه ورهیبه احوالها
....... .............. ........
اظلمت الحومه وزلمهه مدلهمه
رجزفوگ الگوم طاح من السمه
ماتشوف الدرب چن طگهه العمه
وین مافرت لگت چتالها
................. ........... .
وین مافرت یلاگیهه بزعل
یخطف ارواح الزلم شبه الأجل
اشسوه بلطف عمل بیهم ما عمل
یگلب الیمنه غده عله اشمالها
.................................
گام یگلبهه الشمال اعله الیمین
ابغضب یحصدروسهه لیث العرین
صاح لاوین المفروآنه الحسین
الیوم اراویکم فعل سردالها
.................................
الیوم اراویکم فعل ضنوة علی
لاکن الباری العباده یبتلی
حیف المگدرگصه بیه وهلی
چان اصفی الکوفه من ارجالها
.................................
هادی رزیج النعیماوی
المحمره
.................................
.................................
فی احوال العقیله
................................
ضعن احسین حین السار بلیل وحده الحادی
لن صوت العلیله تصیح خلف الضعن وتنادی................
تنادی بصوت بویه حسین گلی وین منواکم
الوحدی اشلون اضل بلدار بویه اخذونی اویاکم
علیله وماالی والی ویصعب علی فرگاکم
بعدکم یاهلی الطیبین وحشه تصبح بلادی
.................................
تصبح دورکم وحشه وفرگاکم یهدحیلی
بعدکم لیل ویه نهار اصیحن آه یاویلی
خلی الطفل عبدالله یسکن وحشتی بلیلی
احلفنک بضلع امک یبویه وجدک الهادی
.................................
یگللهه العمیدحسین لوطبینه للکوفه
اودی اخوتچ یبنیتی وتجین ابفخرمحفوفه
ودعهاوضعنهم ساروهیه واگفا تشوفه
صاحت لاهنه شربی عگبکم لاحله زادی....................
طب لرض العراگ حسین والعسکرتعناله
کل مارادللکوفه تمنعه صفوف خیاله
جابوهم لرض غفره وهوه حالته حاله
عله مسلم درا بلصار بلکوفه شنوالسادی...................
عله مسلم درا بل صار بمسلم غدرت الکوفه
تحسروالدموع تسیل وزینب واگفا تشوفه
گالتله یخویه شصارگلبی وگف من خوفه
نخلص چتل گلهه اهنا اخوتی وآنه واولادی........ ........
گلتله یمای العین ردنه للمدینه اردود
گاللهه بعدهیهات یاخیتی وعد موعود
لابدهم تشوفینی ذبیح اعله الثره ممدود
راسی یروح لرض الشام ویبقاالجسد بلوادی
.................................
ابوادی کربله الاجساد وتمشی الروس لرض الشام
راسی وراس ابوفاضل والاکبروالبطل جسام
چنی حایره اشوفچ بطفال وحرم ویتام
وجدامچ یصیب ایزیدشفتی ویشتم اعوادی........... . ابعینچ تنظرین اشلون عله اشفافی عصاة ایزید
ینصب زینه کل امکان وبرض الشام یعلن عید
اتحللی بلصبریختی الصبر عندالمصیبه یفید
وگومی بلقیامه یکون خصمهم جدچ الهادی
.................................
هادی رزیج النعیماوی
.........المحمره.......
الی ابی الظیم الحسین علیه السلام
.................................
احسین یاثارالله یاجرح الزمان
یانبع دوحة الهادی الصافی
یاعزیزالباری یلبیک النجاة
یاسفینه الماتحدهه اوصافی
انته نورالله الضوت بیک اﻻکوان
ونته مصباح الهدى الماطافی
یل ضریحک کعبة املاک السماء
صارواضح للخلگ موخافی
یلی عشاگک ملایین وتطوف
گبرک الیشفی الالم ویعافی
یل تحت گبتک دعانه یستجاب
اتراب گبرک للسقیم ایشافی
آنه اتانی الاربعینک یاحسین
شوگی گدالکون لا موکافی
جیتک اشکیلک من اهموم الفراگ
چن جبل یحسین فوگ اچتافی
جیتلک ویه الملایین التزور
وکلمة ال لبیک فوگ اشفافی
جیتلک مشای حدارض الطفوف
الطم اعله الراس جیتک حافی
الطم اعله الراس جیتک حافی
هادی رزیج النعیماوی
ابوذیات فی مولدالحجه المنتظر(عج)
اشگدایام احسبلک وعدلک
یامن رب السمه بنصره وعدلک
الدنیاتنتظرحکمک وعدلک
بظهورک حقق آمال البریه
عله صوت الهتف بسمک صحینه
ومن اهمومنه بعیدک صحینه
ابنص شعبان کل احنه صحینه
ابمیلادک هله ومیة تحیه
زمن جورومصایب مرعلینه
وحالی الزادصبح مرعلینه
یبوصالح دخیلک مرعلینه
النجاة بجیتک یبن الزچیه
یالیل الانتظاراشکثرحیاک
جفنی العاف بیته وسکن حیاک
یبوصالح جمیع الناس حیاک
تصیح بمولدک یبن الزچیه
هادی رزیج عساکره (نعیماوی)
موال فی حق الحجه عج
جرحی تعده الألف لالاتضن موعود
مولای عودی ذبل بعدک صبح موعود
تانیت یبن الحسن وتنطرک موعود
غیبتک یلمنتظر جابت علیه فتن
الیالی الشماته ملح وسط جروحی فتن
جیوش الکفرسیدی لحدود جدک فتن
یردون هدم الگبرشتانی یل موعود
شدیبن الحسن علمهرفاتن
الشماته فوگ جرحی ملح فاتن
اجیوش الکفرحدحسین فاتن
گلی اشتنتظریبن الزچیه
هادی رزیج عساکره نعیماوی
**ردادیه فی مولد صاحب الزمان (عج)**
ابسامره فرح واعلام منشوره
ابسامره فرح واعلام منشوره
مهدینه انولدعلکون شع نوره
ابسامره......
ابدارالعسکری الیوم
انولدیاناس جیدوم
یملی الکون کله عدل بظهوره
ابسامره فرح........
(یتباهابظهوره العالم)
حگ العسکری نبعث تهانینه
ابسامره.....
ونبارک النرجس عیدمهدینه
ابسامره......
اسمه اسم جده
زودحسین عنده
یشبه للنبی بالصوت والصوره
ابسامره.......
(اباوصافه یشبه للهادی)
اهل البیت کلهه الیوم فرحانه
ابسامره.........
وفرحان النبی والدالریحانه
ابسامره......
حتی الجنه والحور
امعیده البدرالبدور
دین الباری بسمه یرتفع سوره
ابسامره
(ایعلیهه رایات الدین)
موعودالشفیه الوعد من طاها
ابسامره فرح.......
یمحی الجوربیده وبسمه نتباها
ابسامره فرح......
یرفع بیرق الدین
یاخذثارالحسین
وثارارجال ضلت طبگ منحوره
ابسامره فرح.....
(اببتاره یتعنه الطف)
نص شعبان عیدوفرح للشیعه
ابسامره.....
مولانه الشفیه وواجب انطیعه
ابسامره.....
نعدلظهوره الایام
یجی ویعزالاسلام
ونشوف اهل الضلاله بسیفه مدحوره
ابسامره.......
(یفنیهه بالسیف اهل الشر)
ننتظرک یبوصالح یوالینه
ابسامره فرح.....
ترفع علم عباس وتجی لینه
ابسامره.....
تجی وبسیفک تحش
وهابی ودواعش
منعوگبرجدک محدیزوره
ابسامره فرح واعلام منشوره
(بسک غیبه یامهدی انهض)
هادی رزیج عساکره (نعیماوی)
فی مولدالحجه(عج)
نص شعبان یاملیون حیاک
بیک انولدوالینه الشفیه
ابن العسکری ونرجس الخاتون
ذخرطاها النبی سید البریه
تهانی للنبی وحیدرالکرار
وتهانی الفاطمه الزهرا الزچیه
ابسامره انولدهلیله ضرغام
بظهوره عدل یملیهه الوطیه
الیوم بمولده شع بلسمه النور
ودنیانه قدت جنه وزهیه
هله بشایل لواالعباس بلکون
وبیده سیف حمای الحمیه
هله بموعودطاها الیمحی الجور
ویحیی الدین بامرالله ونبیه
یگصدکربلامن مکه ویروح
یزورحسین ابوالیمه الشفیه
ویاخذثارجده وثارسبعین
دمهم سال برض الغاضریه
ابسیفه الشعشعانی یخطف ارواح
ویگص روس الضلاله وآل امیه
یصبح عیدعدنه یوم الظهور
ونرفع لافتات بکل نویه
الف حیاک یابن سیدالاکوان
هله بزودک یحمای الثنیه
عله طاهاالنبی وآله المیامین
صلووسلمویل جعفریه
هادی رزیج عساکره (نعیماوی)
یاعلی
صنت فقراک محدذلفقارک
ومنهوالباب خیبرذلفقارک
یبوالحسنین ضربة ذلفقارک
تساوی اعبادت الثگلین هیه
هادی رزیج عساکره(نعیماوی)
هوسات فی مولد المهدی الموعود (عج)
ابسامره فرح واعیاد نصبو بلبلدزینه
نص شعبان یوم العید میلادک یمهدینه
احتفلنه بمولدک یاحید هووسنه یوالینه
(والینه انته وبیک اکفایه)
کل شیعی صبح مسرور حسب الرسم والعاده
یعلن عیدللموعودیفرح یوم میلاده
تهانی للنبی المختار والکرار والساده
(میلادالهزبرمهدینه)
یلمهدی انتظرنه سنین عله دربک نتانی تعود
علینه الفتن بغیابک قدت تنهال یل موعود
امریکاوذیلهه اسرائیل. داعش ویه آل اسعود
(صوبین اتکتل بلشیعه)
هادی رزیج عساکره (نعیماوی)
عله الذل والضلاله ثارالحسین
المجدوالفخرکله ثارالحسین
بقاللیوم بالطف ثارالحسین
ویطالب بی المهدی ابن الزچیه
هادی رزیج عساکره نعیماوی
**دارمیات فی اعیاد شعبان**
ماوصفوشعبان زین اهل الاوصاف
نسمة هواشعبان بریاض الاریاف
شمس الضحى شعبان وتشع عله الکون
تنطی الخلایگ نوروتکحل العیون
مثل السماشعبان وتشاهده العین
بی گمرویه نجوم وی شمس الحسین
تدری الگمرعباس حلوالمنایر
والشمس اخوه حسین والی الحرایر
انجوم السمه السجاد زین العباده
والثانی الموعود راعی القیاده
یاشیعه ذوله اقمارحامی الحمیه
صلوعله المختارسید البریه
هادی رزیج عساکره (نعیماوی)
اهلالک هل عله الشیعه بفرح وسرور
یاشعبان یاشهرالسعد والنور
بیک انولدمن یمحی الظلم والجور
(مهدینه البی عزوهیبه)
فرحنه وصارعدنه عید هلیله
للحجه نهوسله ونغنیله
الیله العسکری کلنه نهنیله
(مبروک ابمولدمهدینه)
الف مبروک یاضنوة علی الهادی
ابمیلادابنک البی زادت امجادی
متعنی الحفل جیت ابعزم بادی
(للمهدی افرح های الیله)
الیله یلمحب بلفرح شارکنه
انبارک للنبی والله یبارکنه
بلشده نریدالمهدی یدرکنه
(ابکل ضیجه یامهدی ادرکنی)
الهی بلحسن وحسین واحفاده
کل حاضرتحفظه وتحفظ اولاده
الهی الحاضرین اویای والساده
(لظهورالمهدی اتخلیهه)
هادی رزیج عساکره نعیماوی
الیوم حملات الوصی تشوفونها
والحرب واهل الحرب وفنونها::::::::::::::
الحرب واهل الحرب وفنون الرجال
رایح تشوفونهابوکت النزال
راح اخلی بکربلایضیج المجال
وآل هاشم بلوغى تعرفونها::''::::::::::::::
هاشم تعرفونهاابرن الحدید
اسیوفهم شبه الصواعق والرعید
آنه ابن حیدرعلی وآنه العمید
والخیام الموت اﻻحمردونها::::::::::::::
دون المخیم تره موت الحمر
احسین آنه وهاذه عباس الگمر
الیوم نسگی ارجالهه المروالأمر
ونطب للحومه شبه طاعونها:::::::::::::
نطب للحومه ونسوی ملحمه
ضنوة الکرارحمای الحمه
الیوم وادی کربله نصبغه دمه
وعمله نعملهه فلاتنسونها:::::::::::
عمله ماتنسونهاطول الدهر
انضییگ الوسعه علیکم والمفر
صاح الاکبرویه جاسم والگمر
فرت الجیمات واصفرلونها::::::::::::::
لونهاوهاشم تناخت للحرب
اظلمت الصوبین بس حس الضرب
تیهت کوفانهاوین الدرب
والمفرلاوین ساعة کونها:::::::::::::::::::
کونهاوطبوشبه سیل العرم
حسین والعباس ابوالغیره الشهم
وبعدشبه المصطفى راعی العزم
وجاسم اسباع الوغى ایوصفونها::::::::::::::::
ضیگو الوسعه عله جیوش الضلال
کل فردیشبه علی وکت القتال
ابصوت واحدصاحوابذیچ الرجال
اسباع حیدرهای وتعرفونها::::::::::::::
اسباع حیدروالیلاگیهه ویهد
اخیولهه تدوسه وحدرها ینمرد
انهزم عسکرهه وصرخ خل نبتعد
خاف های اجموعنایفنونها::::::::::::::
حیف المگدرتره وحیف المصیر
والمگدرعلخلگ لازم یصیر
احسین واصحابه وهله ابحر الهجیر
امصرعین وزینب ایسرونها:::::::::::
یسروهامن عگب چتل العمید
المجلس ابن ازیادهه وتالی الیزید
والعلیل امگیدینه بل حدید
والحرم یسره وتهل اعیونها:::::::::::::::::::::::::::::::::
هادی رزیج النعیماوی..المحمره
:::::::::::::::::::::::::::::::::
**مقطوعه فی الاعیادالشعبانیة**
یاطیرالی گاصدحضرة حسین
اخذمنی تحیاتی یطایر
بس توصل تبللغ های اﻻشواق
للگبة الصفره والمنایر
وشداجناحک بشباچ بی نور
تشوف امعلگه بیه الضمایر
وبوس اعتاب تسجدعدهه الاملاک
ویقبلهه ابحنان الچان زایر
وسلملی عله الاکبروسبعین
ابجوارحسین ویه ابن مظاهر
وصدللعلگمی وصفگ بلجناح
مرصوب الگمرلوچنت حایر
تنسه حیرتک وهموم العلیک
یم عباسنه بدرالعشایر
گله حبک بگلبی بنه بیت
التجارة حبکم وبانی عمایر
وشوف العلگمی بس تنظر المای
یهمل دمع عینک مای فایر
تذکریوم مده چفوفه عباس
وتالیهه اشجره وشچان صایر
وزورچفوف چانت تاخذارواح
گبل السیف صدگ بل اشایر
وگصدصوب تل الزینبی وروح
سلملی عله فخرالحرایر
وتذکریوم چانت توگف اهناک
تشوف حسین حاطته العساچر
مرصوب المخیم واذکراخیام
وناروجیش وخیول وحوافر
وزینب والنساواطفال رضعان
وعلیل اعله الفراش وخصم جایر
وگیدوجامعه وصیاح ونیاح
وکوفه وشام ودروب المخاطر
خلنه ابمولدالعباس وحسین
وعلی السجادنهدیهه البشایر
الف مبروک های اعیادشعبان
سلامه وخیرللشیعه ومفاخر
واجب نفرح ونحضربل اعیاد
الکل حضاروارباب المنابر
عله المختارصلی خالق الکون
الصلاة اعله النبی ام الشعایر
****
هادی رزیج عساکره نعیماوی
*ابوذیات فی اعیادشعبان *
وحگ المشن فوگ انیاگ هزله
ابهزل یحچی العذول وخاب هزله
یریداعوف من جبریل هزله
المهدوتفاخربهای القضیه
**
وحگ الطاح وعضیده مشاله
چبیر حسین والعالم مشاله
ابمهده فطرس اجناحه مشاله
وتشافه وسامحه رب البریه
**
عظیم حسین اله هیبه وله یاه
ولی اعله الناس والباری وله یاه
نزل جبریل بامرالله وله یاه
یخدمه بیوم جابته الزچیه
**
المحمدلوردت تعرف هوه حسین
الانس والجان تتنفس هوه حسین
بسهم الشوم ماصدگ هوه حسین
هوه ابیوم الهوه عباس اخیه
**
عیش الذل یشیعی مرعله حسین
العدوحگ القرابه مرعه لحسین
یمن مریت بلطف مرعله حسین
من یم الگمروابدی التحیه.
**
یمن شخصک الچف الطمع عباس
ولاوجهک بیوم الکون عباس
مثلک مابعدینولدعباس
ولاگبلک یلیث الهاشمیه
**
صبح زاهی البدروالنجم حفله
وقده یمطرسمانه فرح حفله
حضرنه ابعیدابوالسجادحفله
وابنه العابدوعباس اخیه
هادی رزیج عساکره نعیماوی
*ردادیه فی اعیادشعبان*
فرحنه والیحبنه یفرح ویانه
فرحنه والیحبنه یفرح ویانه
ابعیدابن الوصی وفاطمه الریحانه
فرحنه والیحبنه یفرح ویانه
یاشعبان اﻻعیاد
بیک منوره البلاد
شهرشعبان بسم حسین عنوانه
فرحنه والیحبنه یفرح ویانه
(یسمونه شعبان حسین)
میلادالشفیه حسین فرحوله
فرحنه و......
والزینه عله الحیطان نصبوله
فرحنه و.....
ابفرح حیدروطاها
والزهرااتباها
تبریک المحمدوده مولانه
فرحنه والیحبنه........
(بارینه للهادی یبارک)
مبروک الگمرهلیله میلاده
فرحنه و......
تبریکات للکراروالساده
فرحنه.......
اشوف الکون نوور
هله بعباس الازهر
مثل نورالبدرمن یشع بسمانه
فرحنه........
(ضاویهه عباس بنورک)
زین العابدین الیوم شع نوره
فرحنه و........
ابمیلاده قدت تزهی المعموره
علی یاقرة العین
هله یاشبل الحسین
یبوالباقریاسورالدین وارکانه
فرحنه و...........
(یاسورالدین وبنیانه)
علی اﻻکبرشباب البیه نتباها
فرحنه.....
صوره وصوت یشبه للنبی طاها
فرحنه......
ابمیلاده فرحنه
صوب الحفل رحنه
چن حسین بل محفل تلگانه
فرحنه و....
(اتلگانه ویحیی اضیوفا)
الهی الی حضر بلحفل هلیله
فرحنه و....
تحفظه وتستراعلیه هوه والعیله
فرحنه و.....
وتطول عمرهم
وتسهل امرهم
کلمن یحب حیدریرتفع شانه
فرحنه و....
(بکل دیره مرفوع الهامه)
**
هادی رزیج عساکره نعیماوی
*هوسات فی اعیادشعبان*
هلاویامرحبابمیلادابوالاحرار
حسین الماقبل عیشة الذل والعار
مصباح الهدایه ورمزللثوار
(کل ثایربسمه یشدحیله)
***
حین الفاطمه جابت ابواﻻحرار
نزل جبریل بارک للنبی المختار
الف مبروک یاطاها وعلی الکرار
(میلادحسین الریحانه)
***
گلی اشگدعظیم حسین عدرباوگدرعنده
حتی یودی جبرائیل یخدمله ویهزمهده
سفینه حسین گدالکون صوب الجنه تتعده
(ولبیهه تمسک هنیاله)
***
یامولدعلی السجادکل الخیر بقدومک
یبت الفرح لهل البیت الف یامرحبابیومک
عله الشیعه بفرح وسرور نتمنه تهل دومک
(وتعیدبیک اهلی الشیعه)
***
مایتوصف العباس یوم الحرب عنده عید
گلی منین یطلبها وهوصندید ابن صندید
صاراصیاح للفرسان یوم الگنطره واربید
(من طگهم واحدبلثانی)
***
صوب المشرعه العباس هد وصارت الحمله
وعلشط صارذاک الیوم موت الزلم بلجمله
کردس جیشهه والخیل بلشاطی وعمل عمله
(للیوم الشط یشهدبیهه)
***
شسولف عن گمرعدنان وحچی بیوم میلاده
انولدوبتسم سن حسین فرحه بهای الولاده
هله بحزام ظهری گال وعم اولادی والساده
(کفوین العم عم الساده)
**
هادی رزیج عساکره نعیماوی
من صوول علی اﻻکبرشبیه المصطفى المختار
طشرهه الزلم والخیل لبسهه الخزی والعار
ذکرهم بضرب السیف صوﻻت الوصی الکرار :::ذکرهابحیدروایامه:::
من شبخ صهوة جواده وفوگ المطهم رگه
خزرعینه عله الشریعه لچن فارس مالگه
سیست بلشط زلمهه وشی قدت متعلگه
...برچاب الخیل اتسح بیهه...
هادی رزیج النعیماوی
.................................
فی شجاعة بنی هاشم یوم عاشوراء
.................................
بنی هاشم تنخت بنی هاشم
بلصوارم تعنت بلصوارم
.................................
طبت الیوث الحریبه وغدت یوله بکربله
اظلمت الحومه وتشوف اسیوف تلمع بلفله
تروط ضلت من تحتهم چن لفتهه زلزله
یاعلی الکرارصوت اصیاحهم بلطف عله
الخیل غاصت بلدمه
چن مطرمن السمه
................................
یوم عاشرمن محرم صار عج الهه وغبار
غدت ظلماوماتوچدلیلهه من النهار
غیمت وسهام تمطرمن دماها سیل صار
اتلول صارت من جثثهه وسدت ادروب الفرار
صاح شیال اللوا
وکبرت هاشم سوا
.................................
طب ابوفاضل حربهاوگلب یسره ومیمنه
الجدم سیفه یشیل راسه الشردرمحه یطعنه
لن تلگاهم الاکبروسط الحومه اعتنه
هاذه ابوالحسنین گالو علی الاکبرگال انه
صاحت اجیوش الکفر
وین من سیفه المفر
.................................
احسین واگف والمعاره من جریب یشوفها
اشلون ابوفاضل الهزبرغاص بین اصفوفها
لکبروجسام تبرج عله الروس اسیوفها
آل هاشم سیل عارم حدر عله طفوفها
صاح کفوین بهلی
هله بجسام وعلی
..............................
احسین سل سیفه وتعنه بیوم زینب هلهلت
زلزله من السمه السابع فوگ عسکرهه انزلت
خطم اعلیهه بجواده ومنه ماشاردفلت
صاح یجیوش الخیانه بیکم الضربه حلت
صال شبه القسوره
حسین ضنوة حیدره
.................................داروبجیش اﻻعادی شبه خاتم للصبع
حسین عزرائیل بیده وصارمه بیه الصرع
علی اﻻکبرگام یحصد بلزلم شبه الزرع
جاسم المدرع یلحگه یشیل روحه ویه الدرع
الگمربیمینه اللوا
سیفه بلدم ارتوا
.................................
هادی رزیج النعیماوی
المحمره
.................................
.................................
فی واقعة الطف
.................................زینب عله التل اتصیح وین اوگعت یاجیدوم
اشوف اظلمت الدنیاوصار اصیاح بین الگوم
........ .....................
اشوف اظلمت الدنیاوصار انهارها چالیل
والکون انگلب صوبین بس تسمع صهیل الخیل
هل منظریبوالسجاد راوانی الکدروالویل
جاوبنی یمای العین
وینک یاکتریحسین
اخافن فتک بینه البین
ماتنهض یبوالسجاد من فوگ الثره وتگوم......... .......
ماتنهض یبوالسجادروحی ذابت وراحت
طاح البیت فوگ الراس لمن رایتک طاحت
اسهام الاحتک یاخوی ریت ابناظری لاحت
ولاشوفک عله الغبره
وبجسمک الف طبره
خویه الگلب شیصبره
ماندری یخویه شصار والعسکرعلیک یحوم
................................
ماندری یخویه شصارونته بیاکترطایح
وصلت خیلهم حدنه وسمع بلخیم صایح
یاتالی الاهل یحسین وین من الاهل رایح
بس انته یهل منعوت..بگیت ترد علینه الصوت...کل گومی دهاهاالموت
الگمرفوگ الشریعه طاح وراسه بلعمدمجسوم
.................................
طاح الگمرفوگ الگاع ویلی وطاحن اچفوفه
یمه الجودوالرایه وعینه بسهم مطروفه
یصدللخیم جفنه چان من بعید ویشوفه
شابح للخیم عینه..والجوده وگع وینه..یگول الوعدیسکینه
جبت المای لاچن آه صاب الجود سهم الشوم
.................................
سهم الشوم صاب الجود شحچیلک یبوالیمه
الاکبرمنجسم راسه وجاسم سابح بدمه
وعبدالله الرضیع الچان ریحانه ووکت شمه
یبچی وغارن عیونه..ردنه الگوم یسگونه..ماقبلویرحمونه
لنه حرمله صاباوگص نحره بسهم مسموم
.................................
خویه حسین شنهوالصار جاوب یابعدعینی
مهرک طب للمخیم بلاخیال لافینی
یصهل والسرج مگلوب صحت بصوت حاچینی
علی السجادیاعمه..اجانه المهروبهمه
جاوب وین ابوالیمه
اشوف المهرردخالی اشعنده من المعاره اعلوم
.................................
مهرحسین جانه یصیح ویدگ بحافره ویبچی
یصهل یم المخیم وبلسان الدمع یحچی
چنه یخاطب السجادگوم الوالدک تچی
وگع والسهم بفاده..یاجدی بهظم ناده
تراب الگاع اله وساده
من العطش ضل یلوج وجروحه تسیل ادموم
.................................گال الهه علی السجاد یا عمه ابونه راح
الهظیمه والظلیمه بصوت مهره بلمخیم صاح
صارت بلخیم یوله من سمعن عمدهن طاح
های تصیح یاخویه..وذیچ تگول یابویه..اطفال وحرم دویه
فرت من المخیم تصیح حسین یامظلوم
.................................
هادی رزیج النعیماوی
................المحمره........
نوحیه خاصه الی مشایة اﻻربعین الحسینی
........ ........................
یحسین یابن علی.یابعدعمری وهلی
الخدمتک جینه الیوم مشایه
انته وعضیدک حامل الرایه
یحسین یابن علی....
................... ............
جیناک مشایه ودربنه ابعید
صیام ونته اهلال یوم العید
یلی اسکنت بلگلب
ننخاک طول الدرب
یحسین یابن علی
.................................
من الاهواز(الفلاحیه)ومن المحمره
جیناک یابورایة الحمرا
نخوانه یابوالحمه..بلگلب حبک نمه
یحسین یابن علی
.................................انته السفینه ومنجی الشیعه
دونک عمرنه سیدی نبیعه
نفداک یاسیدی:نورانته بی نهتدی
یحسین یابن علی
.................................
مصباح یلبیک الدجی زالت
بدماک ارض اطفوفهانالت
نالت العزوالفخر..والهیبه طول الدهر
یحسین یابن علی
............. ...................
انته الی گال المصطفی عنک
یحسین منی انته وانامنک
صاحب کرامه وأبی..تشبه الطاهاالنبی
یحسین یابن علی
.................................
فوگ المعالی سیدی صیتک
نبراس تبگاوکل اهل بیتک
انتم اعلام الهدی..بیکم الباری ابتده
یحسین یابن علی
.................................
یحسین جینه الیوم زوارک
لرض الطفوف وکلنه خطارک
منک یراعی الوفه..نطلب الحاجه وشفه
یحسین یابن علی
.................................
بسم الوفی العباس نادینه
بحماک یوم الحشرتحمینه
یابولواالمنتشر..بحماک یوم الحشر
یحسین یابن علی
..............................
عباس حدالموت منعوفک
نقسم علیک بگطعة اچفوفک
یارحمه من العلی
تقضی الحوائح الی
یحسین یابن علی
................. ...............
هادی رزیج النعیماوی
المحمره
................................
................................
نوحیه فی واقعة کربلا
.................................
جینه الکربله بعزوکرامه
ردینه الوحدنه بس یتامه
یثرب یاوطنه.راحوکل اهلنه
ماتنفع بعددمعه ولیامه
.................................
گصدنه الکربله من المدینه
بکل هیبه وحده الحدای بینه
عباس البطل حامی الضعینه
بنی هاشم عن یساره ویمینه
الاکبرویه جسام.بیهم تزهی الایام
وحنه ویاهم بخیروسلامه
ردینه الوحدنه بس یتامه
.................................
حده العباس والوادم تشوفا
لازم ناگة الحره بچفوفا
یبره الضعن مالازم یعوفا
بسلامه لازم یوصله الکوفه
الگمرحالف اببخته.ابخیرایوصل اخته
شمرساعده وذب العمامه
ردینه الوحدنه بس یتامه
.................................
لمن گربت اضعون الهواشم
من کوفانهاجت العلایم
مسلم عله الغبره صارنایم
الکوفه بیک خانت یبن فاطم
طاحت بولیة انذال یجرونه بلحبال
غریب ومحدمن اهله وعمامه
ردینه الوحدنه بس یتامه
............ .............
آمرللمدینه یردضعنهم
لن جیش الریاحی گرب منهم
منع رجعتهم الیثرب وطنهم
ابوادی کربله حطورحلهم
ارض غفره بلامای .گلهم لیش یعدای
گالوامروالینه وکلامه
ردینه الوحدنه بس یتامه
.................................
من سمعونزل بلغاضریه
اجت کوفانهه لبن الزچیه
مگصدهم ذبح راعی الحمیه
اهوه ویه اهل بیته سویه
اتکامل جیش الانذال
سبعین الف خیال
الکل رایدچتل ذوله النشامه
ردینه الوحدنه بس یتامه
.................................
ابعاشرمن محرم صارت صفوف
هجموعله حسین وزینب تشوف
من عباس گطعویوزالچفوف
بحگ حسین ماراعوالمعروف
اسیوف ارماح وسهام
حرگوویلی الخیام
وعطشان انذبح راعی الشهامه
ردینه الوحدنه بس یتامه
................................
انذبح عطشان ابوالیمه وعضیده
وجسام الشباب وعلی اولیده
وبنبله الطفل گطعووریده
اشحال حسین حین الجابه بیده
اتلگته النساوین.سگیته مای یحسین
شافنه یرفرف کل حمامه
ردینه الوحدنه بس یتامه
.................................
من بعدالکتل حرگوهاالخیام
وسلبویویلی اطفال ویتام
یسروهاالحرم للکوفه والشام
وضل حسین عاری ثلث تیام
جسمه مسلبینه..راسه شایلینه..عله راس الرمح نسمع کلامه
ردینه الوحدنه بس یتامه
.................................
هادی رزیج النعیماوی
المحمره
.................................
گالوتلطمون عاشوروصفر
گلت لازم نلطم بطول الدهر
من سماحبنه الشمس نص النهار
طاحت ومن لیلنه انباگ الگمر
اشلون گلی الضیع انهار ویه لیل
مایصب جفنه بدمع دم الحمر
الناس من تفگدبشرتبچی وتنوح
والفگدناه احنه ابوالکل البشر
الفگدمصباحه یدورله اعله نور
اشلون حاله الفاگداصبی النظر
بحریوم الدین ویهابه الیفوی
ابلاسفینه اشلون تدخل للبحر
وحنه عدنه حسین بس درب النجاة
السلک هاذه الدرب ماهاب الخطر
هل سفینه العافهه یغرگ اکید
والرکبهامن الخطرفات وعبر
هادی رزیج النعیماوی(عساکره)
یون الگلب مابطل
هلکوین
المصایب حرگن الچبدی هلکوین
عله الصاحت عله مسلم هلکوین
یگلهه آنه رسول ابن الزچیه
عاشرنی الحزن وآنه عشیره
یریت من الاهل یمی عشیره
انه مسلم الماعندی عشیره
غریب وحاطت العدوان بیه
تگله البیت بیتک وده خیله
ونه الخادمه العمک وده خیله
العدوالحدک یمسلم وده خیله
الچتلک والزلم بلباب هیه
ماهاب الزلم گلهه ولارد
وکاس العارمااشربه ولارد
اریدالموت بل عزه ولارید
ابمذله ابن الدعی یحکم علیه
هادی رزیج النعیماوی
مقطوعه
فی مولدالامام علی علیه السلام
.................................
من کل بلدللعمره تشوف الناس
للکعبه اتتعنه تعتمربیهه
تگصدللعباده اهناک تگضی ایام
تهتم بفرض توحیدباریهه
ذاک الیوم عندالبیت کل الناس
شافوبت اسدوالخوف عالیهه
کضت بل ستارونادت المعبود
جیت الکعبتک یارب یراعیهه
ضاهدنی الحمل والطلگ هدالحیل
فرجهه الهی وحاجتی اگضیهه
لن انشگ جدارالبیت گد الباب
طبتله ام علی والعرش یحمیهه
وتلایم الحایط ردمثل ماچان والزوارتنظرماجرا علیهه
ثلث ایام وهیه ضیفة المعبود
ومریم وآسیاچانت تباریهه
ومن طلعت کأن البدرشع ولاح
شافوفاطمه والبدربیدیهه
نورالمرتضی دگ للسمه من الگاع
الملایک حییته وهوه الیحییهه
وچان المصطفی یتنطرالکرار
گبل لاینبعث والناس یهدیهه
یعرف بی وزیره وحجة المعبود
ولی الله وعله المخلوگ والیهه
ابتشرسن النبی من شاف داحی الباب
گال اهلاعلی یاعزمسامیهه
وحیدرسلم اعله المصطفی المختار
نطق والکل سمع اول وتالیهه
اولهه شهدللباری بلتوحید
والثانی المحمدنبی وهادیهه
هادی رزیج نعیماوی عساکره
یناصب راح کله اضیاع عمراک
ابلاحیدرخراب یصیرعمراک
اوعلی لوماعلی چاهلک عمراک
عمرکم گالهه الحامی الحمیه
هادی رزیج النعیماوی عساکره
یبوالزهرایامحمدانته یاساس المجد
تاج فوگ الروس تبگه غصبن اعله اهل الحقد
لایهود ولانصارا وکلمن اویاهم یضد
(ماگدرونورک یطفونه)
**
اشحدهم ایطفون نورک بلفواه البارده
انته شمس الله المنیره فوگ غصبن علعده
ختم بیک الباری دینه وخلقته بیک ابتده
(الکون اتکون لوجودک)
هادی رزیج النعیماوی
بلبریوصی العرش گال البشرخیبر
وقرآن طاهاالنبی عن هل امرخیبر
المازرع گاعاوکرب گاعاصفت خیبر
تصبح صبخ بایره بین الاراضی تعب
ومن عدهه عگب الثمرسلات من هم تعب
الدین مثل الارض یاناس راید تعب
فازالی واله النبی وحیدر بطل خیبر
**
العرش وصاویگول البشر خیبر
العاف ارضه وترکهاصفت خیبر
نجه کلمن یوالی بطل خیبر
وتمسک بلولایه الحیدریه
هادی رزیج النعیماوی عساکره
..............................
زینب تحاورالعباس علیهما السلام
.................................
خویه عباس اجیت بشیمتک
لرض العراگ طلعت بهمتک
ونته یاخوی تباری المحملی
بسم ابوحسین یهزبرنخوتک
.................................
جیت ویاک عزیزه مدلله
ونته ویای تباری العایله
من المدینه بحماک الکربله
دون الضعون ترفرف رایتک
.................................
جیت ویاک عفت دیرت هلی
آنه بنت الطاهره وحیدرعلی
لاتخافین گلتلی تدللی
آنه حمای صحت بین اخوتک
.................................
آنه حمای واعرفنک شهم
وارث الحیدعلی وذاک العزم
انته شبه الأسدماتنهزم
تشبه الطودیهزبروگفتک
.................................
زینب تصیح یعباس الگمر
مووکت نوم ینایم عل نهر
حرمه واجناب تخلینی بخطر
تقبل اشلون یخویه غیرتک
................................
تقبل اشلون یسبع الگنطره
حسین مذبوح یضل فوگ الثره
الحرم واطفال خذهاامیسره
ساکت اشلون دگلی اشقصتک
.............. .................
ساکت اشلون اریداگصد وشوف
ماتردلیش یطاعون الألوف
ثاری معذوراخوی بلاچفوف
گطعواعداک یسارویمنتک
.................................
یسره ویمین وراسک ماسلم
انضرب بعموداویلی ونجسم
عمت عینی رموعینک سهم
والعلم طاح حسافه وجربتک
.................................
اعتنت لحسین تناشدیاعمید
ماضگت مای یمحزوزالورید
راسک یروح هدیه حگ یزید
وفوگ التراب سلیبه جثتک
.................................
فوگ التراب بگاجسمک طریح
دمک یسیل عله الگاع ویسیح
وبعدعبدالله یم جسمک ذبیح
بنبله مسمومه تشبه نبلتک
................ .............
ویلی اعلیک یمگطوع النحر
تموت عطشان جریب من النهر
والشمریذبحک من الظهر
فوگ صدرک عله وحز رگبتک
.................................
خویه یحسین رحت عنک غصب
عگب عباس مشیت ویه الغرب
وعلی السجادعله طول الدرب
امگیدولوعته من لوعتک
................................
لوعته علیک یهل دم الدمع
یصیح یحسین یمکسورالضلع
یاضوه البیت چنت دایم تشع
هسه التراب یبویه وسادتک
.................................
انته مذبوح ونه رحت ابیسر
کوفه والشام مع شمروزجر
احسین بعدک فلایحله العمر
ولاتمرشده تشبه شدتک
.................................
هادی رزیج النعیماوی
...........المحمره.........
.................................
.................................
فی واقعة محرم
.................................
الله واکبریبن حامی الحمه
تموت عطشان وسابح بلدمه
تصدعینیک للخیم.تنظراطفال وحرم
فرت بلایه حمه
.................................حسین یاخوی یمن بیک السعد
خانت اعداک ولاعدهم عهد
الکوفه جرت للحرب
تهتف بطول الدرب
کلهه اجت متحزمه
.................................ذبحک تریدعگب مابایعت
الک یحسین وحگک مارعت
مارعوحگ النبی.ولارعو حگ العلی
بیک یابن فاطمه
.................................
الکوفه والشام تناخت للقتال
صارت صفوف تطالب بلنزال
تریدک انته یاعمید.بیدک تبایع یزید
اﻷمربیده تسلمه
.................................
تبایع یزیدتریدک یانفل
وتقبل الظیم یهیبه وهاذه ذل
حتى ﻻتدفع ثمن.تخضع الطاغی الزمن
وچف یزیدتسالمه
.................................
تعرف اعداک یبن طاهاالنبی
انته علظیم یبوسکینه أبی
العاروالذل ماترید.وعله العیشه وی یزید
الموت والله تقدمه
.................................
ابیوم عاشورتعناک الفزاع
العددسبعین الف شان النزاع
بکربله التمت سوه
صوت المحشم دوه
للقتال ایحشمه
.................................
المای منعوه المحشم یگول
بعطش یگضون نریدآل الرسول
لایگربون الفرات.خل یودعون الحیات
خل یموتون ابضمه
.................................
ذبحوحسین وگومه وصحبته
ویسروکل عیاله ونسوته
حتی عبدالله الرضیع
بلسهم مرمی وصریع
وبچت لمصابه السمه
.................................
الکوفه والشام خذونه بهل طریج
عفنه الخیام یشب بیهه الحریج
الجثث ضلت علثره.بلادفن وموذره
سابحه بفیض الدمه
.................................
هادی رزیج النعیماوی
المحمره
................................
.